Emin övladları ilə birlikdə "Dəb Premyeraları Günü"nə qatılıb

Rusiyada yaşayan azərbaycanlı müğənni və iş adamı Emin Ağalarov əkiz oğulları ilə "Krokus City Mall"dakı "Dəb Premyeraları Günü"nə qatılıb. 

    Rusiyada yaşayan azərbaycanlı müğənni və iş adamı Emin Ağalarov əkiz oğulları ilə "Krokus City Mall"dakı "Dəb Premyeraları Günü"nə qatılıb. Bu Eminin Moskvada Əli və Mikayılla birgə qatıldığı ilk tədbir olub. Onlar bir yerdə əylənib, foto çəkdiriblər. İtaliyalı dizayner Alberto Guardini də şəxsi butikinin açılışında uşaqların iştirakından məmnun olub.

   Əməkdar artist Nüşabə Ələsgərli oğlu Orxandan bəhs edib. Axşam.az-ın məlumatına görə, müğənni övladına yaşca ondan böyük qız belə ala biləcəyini deyib: “İndi övladımın 18 yaşı var. Nə vaxtsa evlənmək istəsə seçiminə çox qarışmaram. Oğlumun ailə qurmaq istədiyi qız ondan 10 yaş böyük olsa belə, razılaşacam. Əsas əxlaqıdır. O, gözəl olandan sonra yaşına, başqa xüsusiyyətlərinə baxmaram. Kişi ilə qadın arasındakı yaş fərqinə heç vaxt əhəmiyyət vermirəm”. Kişinin qadından az pul qazanması mövzusuna münasibət bildirən N.Ələsgərli “Mənim üçün önəmlisi kişinin tənbəl olmamasıdır. Əgər ailədə mən beş, kişi bir manat qazanırsa, bunu niyə problem edim ki? Əsas odur ki, işləyir, evdə yatmır” deyə, bildirib.

    “Eurovision 2011” qalibləri Nigar Camal və Eldar Qasımov Bakı Slavyan Universitetində Badminton Federasiyası ilə görüşüb. “Bakı-2015" Avropa Oyunlarının "Ulduz Elçi"si seçilən tanınmışlar daha sonra universitetin idman zalına gedərək, badminton oynayıblar. Həmin an çəkilən videonu sosial şəbəkədə paylaşan N.Camal “Badminton Federasiyası ilə görüşdən sonra Eldarla oynadıq. Bizə qoşulun...” sözlərini yazıb.

     Müğənni Nazim Pişyari övladlarından söhbət açıb. Sənətçi oğlunun qız seçiminə qarışmayacağını desə də, qızı barədə eyni fikirdə deyil. "Bir oğlum və bir qızım var. Oğlum xaricdə magistr pilləsində oxuyur. Xaricdən bir qızın əlindən tutub gətirsə, heç bir problem yaratmaram. Çox demokratik atayam. Seçim onundur. Xanımla mən yox, oğlum yaşayacaq. Nə fərqi var - ingilis, yaxud da başqa millət? Amma qızım öz millətimizdən olana getməlidir. Oğlan belədir ki, evlənər, sonra boşanar. Qızın adı çıxar. Getdi, boşandı deyərlər".

 

Əhəd Miriyev

 

Muz-Tv.az