Selena Qomez yeni kolleksiyasının reklamına çəkildi

Amerikalı müğənni Selena Qomez “Adidas Neo” markasının yeni kolleksiyasının reklamına çəkilib. 

   Amerikalı müğənni Selena Qomez “Adidas Neo” markasının yeni kolleksiyasının reklamına çəkilib. Axşam.az xarici mətbuata istinadən xəbər verir ki, sənətçi zərif libaslarsız və ciddi saç düzümləri etmədən yeniyetməyə oxşayıb. "Bu kolleksiya çox xoşuma gəlir və yayın şübhəsiz əldə olunmalı brendidir", - deyə Qomez sosial şəbəkədə yazıb.

   Müğənni Nil Karaibrahimgil “Vogue Türkiyə”nin mart sayı üçün makiyajsız halda obyektivlərin qarşısına keçib. Nil şəkillərindən birini İnstaqram səhifəsində paylaşıb. O, fotosuna "Həyatımda ilk dəfə “Vogue Türkiyə”nin mart sayı üçün makiyajsız şəkil çəkdirdim. Kirpiklərimdə tuj belə yoxdur” yazıb.

    Tanınmış aktrisa Lyupita Nionqonun “Oskar-2015” mükafatlandırma mərasiminə geyindiyi 150 min dollarlıq libası oğurlanıb. Mükafatlandırma gecəsində təbii mirvariləri ilə hər kəsin diqqətini çəkən paltar “Calvin Klein”dən olub. Fransisko Kosta tərəfindən xüsusi olaraq hazırlanan geyim aktrisanın Hollivudda qaldığı oteldən oğurlanıb. Təhlükəsizlik kameralarına baxış zamanı oğrunun kimliyi müəyyənləşdirilib və polis axtarışlara başlayıb.

    Serbiyalı modelyer İvana Sərt aktyor İbrahim Çelikkolla görüntülənib. Cütlük klubların birində görüşüb. Məkandan ayrı-ayrı çıxarkən obyektivlərə tuş gələn İvana ilə İbrahim jurnalistlərin “Birlikdəsiniz” sualını cavabsız qoyublar.

 

Əhəd Miriyev

 

Muz-Tv.az