Aygün Kazımova: “Acun İlıcalı Elnuru buraxmayacaq”

Xalq artisti Aygün Kazımova "O səs Türkiyə" yarışmasında qalib olan həmyerlimiz Elnur Hüseynovdan da söz açıb...

    Xalq artisti Aygün Kazımova "O səs Türkiyə" yarışmasında qalib olan həmyerlimiz Elnur Hüseynovdan da söz açıb: “Elnurla fəxr edirəm. Bu günə qədər ölkəmizi “Eurovision”da təmsil edənlər arasında ən uğurlu saydığım, parlaq gördüyüm Elnurla Samirin çıxışı idi. Elnur Türkiyədə fəaliyyətinə davam edəcək. Acun İlıcalı onu buraxmayacaq. O, kiminsə arxasında durursa, axıracan gedir. Onun ətrafında hər zaman ən istedadlı insanlar olub. Bir gün Samir Cavadzadənin də belə səs-küy doğuracağını bilirəm. Ondakı potensiala inanıram”.

    Əməkdar artist Sevda Ələkbərzadə fobiyasından danışıb. Axşam.az-ın məlumatına görə,sənətçi avtomobil idarə etməyi çətinliklə öyrəndiyini deyib: “Maşın sürməyə qarşı fobiyam vardı. Yatanda avtomobillə bağlı qorxulu yuxular görürdüm. İnsanlar 1 aya maşın sürməyi öyrənir. Mən 1 ilə güclə sükana alışdım”.

    Müğənni Könül Kərimova kişilərin qadına əl qaldırmasını qınayıb. İfaçı açıqlamasında şiddətə qarşı olduğunu deyib: “Qadına əl qaldırmaq olmaz. Bu cür şiddətdə mən xanımı haqsız bilirəm. Kişi xanıma əl qaldırırsa, demək, o, qadının hörməti yoxdur. O, həyat yoldaşının yanında özünə hörmət qazana bilməyib. Kişinin bir baxışı qadına bəs etməlidir. Söz-söhbəti o həddə çatdırmaq olmaz. Belə hadisələr ailədə uşaqlara da psixoloji təsir edir. Xanıma əl qaldıran kişinin istəyi, duyğusu, hissləri olmur".

    Bir neçə gün öncə ata olan müğənni Ramal İsrafilov yeni doğulmuş körpəsinin şəklini yayıb. İfaçı ona təbrik ünvanlayanlara minnətdarlığını bildirib. Xatırladaq ki, müğənninin fevralın 16-da qızı olub. R. İsrafilov ötən il aprelin 14-də xalası qızı Sevda ilə ailə qurub.

 

Əhəd Miriyev

 

Muz-Tv.az