Madonna: “Uşaqlarıma narkotiki qadağan etməmişəm”

Pop-diva Madonna uşaqlarının narkotik maddədən istifadəsinə icazə verdiyini söyləyərək mübahisəyə yol açıb. 

    Pop-diva Madonna uşaqlarının narkotik maddədən istifadəsinə icazə verdiyini söyləyərək mübahisəyə yol açıb. Axşam.az-ın xarici KİV-ə istinadən məlumatına görə, "Johnathan Ross Show" proqramında o, bildirib ki, həddi aşmamaq şərti ilə uyuşdurucu maddədən istifadə etmək olar. 56 yaşlı müğənninin bu haqda fikirləri birmənalı qarşılanmayıb. O, narkotikanı sevmədiyini, lakin bir neçə dəfə özü də istifadə etdiyini etiraf edib: "Uşaqlarıma narkotiki qadağan etməmişəm. Bu haqsızlıq olardı, çünki özüm keçmişdə istifadə etmişəm". Madonna "Brit Awards"da bilərəkdən, diqqət çəkmək üçün yıxıldığı barədə yazılan xəbərləri də təkzib edib. Sənətçi sadəcə şou zamanı rəqqasların onun paltarını çəkərkən özünü saxlaya bilmədiyini deyib.

    Müğənni Cennifer Lopezin 4 il əvvəl bir kosmetika şirkəti üçün çəkdirdiyi fotoların orijinalı yayılıb. 45 yaşlı sənətçinin fotoşopsuz şəkilləri sosial şəbəkələrdə müxtəlif cür şərh edilib. Fotolarda bütün həyatı boyu sağlam şəkildə qidalanan və idman edən Lopezin bir neçə detalı çıxmaq şərti ilə yenə də yaxşı görünməsi diqqət çəkib.

    "Bozun 50 çaları" filmindəki roluyla məşhurlaşan aktrisa Dakota Conson yeni filmə çəkilib. Baş rollarda Ed Haris, Ethan Hauke və Mila Yovoviçin olduğu "Cymbleline"in artıq ilk treyleri yayılıb. Dakota tamaşaçıları təəccübləndirərək yeni obrazı üçün saçlarını sarıya boyayıb. Film martda təqdim olunacaq.

    "Kurtlar Vadisi" serialındakı "Memati" obrazıyla yaddaşlarda qalan Gürkan Uyqun yeni layihəyə hazırlaşır. O, Yılmaz Güneyin 1971-ci ildə çəkdiyi "Baba" filminin serial versiyasında yer alacaq. Serialın çəkilişləri artıq başlayıb. Qeyd edək ki, 1972-ci ildə həmin film mükafat alsa da, siyasi olaylara görə mükafatlandırma ləğv edilib.

 

Əhəd Miriyev

 

Muz-Tv.az