Merilin Monronun öldüyü həftə etdirdiyi son fotosessiyası satışa çıxarılacaq

Aktrisa Merilin Monronun öldüyü həftə etdirdiyi son fotosessiyası satışa çıxarılacaq. 

    Aktrisa Merilin Monronun öldüyü həftə etdirdiyi son fotosessiyası satışa çıxarılacaq. Axşam.az-ın xarici KİV-ə istinadən məlumatına görə, 6 şəkildən ibarət kolleksiyanın qiyməti 36 min dollar olacaq. Fotoların müəllifi isə aktrisanın yaxın dostu, fotoqraf Corc Barrisdir. O, şəkilləri 1962-ci ilin 13 iyulunda Merilinin avtobioqrafik kitabı üçün çəkib. Lakin yaxın dostunun ölümündən sonra fotoqraf onları ictimaiyyətə təqdim etmək istəməyib. O, M.Monronu "dünyanın ən gözəl və fantastik qadını" adlandırır: "Birinci dəfə onu görəndə fikirləşdim ki, mən heç vaxt elə sima ilə rastlaşmamışam. O, çox dostcanlı və səmimi idi. Merilin heç vaxt süni və modabaz olmayıb". Martın 10-16-da baş tutacaq auksionda aktrisanın fotoqraf Bert Stern tərəfindən "Vogue" juranlı üçün çəkilən fotoları da nümayiş olunacaq

    Hollivudun ən varlı aktyorlarından olan Leonardo DiKaprio Palm-Sprinqsdəki villasını 4500 dollara kirayə verir. Amerikada 5 evi olan aktyor Palm-Sprinqsdəki villasında nadir hallarda qaldığını səbəb gətirərək onu kirayəyə verir. DiKaprionun gecəsini 4500 dollara kirayə verməyi düşündüyü villası 652 kvadrat metrdir, 6 yataq otağı, 7 hamam otağı, bir böyük hovus, tennis kortu, ən müasir texnologiya ilə təhciz olunmuş mətbəx və saunası var. Bundan başqa pulsuz Wi-Fi və xidmətçilər də veriləcək. Qeyd edək ki, sözügedən villanın qonşuluğunda Frenk Sinatra, Merilin Monro, Din Martin, Elizabet Teylor kimi məşhurların evləri var.

     Özünə olan qayğısı və diqqəti ilə tanınan “Real Madrid”li futbolçu Kriştiano Ronaldo bu dəfə həmin düşkünlüyünü heykəlinə göstərib. Futbolçu 2013-cü ilin dekabrında Madriddə Madam Tüsso muzeyində sərgilənməyə başlayan mum heykəli üçün bərbər tutub. Heykəlinin baxımlı və yaraşıqlı görünməsini istəyən Ronaldo saç ustasını hər ay muzeyə göndərir. Muzeyin direktoru Qonzalo Presa faktı təsdiqləyib.

    “Əli və Nino” filmində Fətəli Xan Xoyski rolu üçün başını keçəl etdirən aktyor Halit Ergenç çəkilişləri bitirərək İstanbula qayıdıb. Aktrisa həyat yoldaşı Bərgüzar Korellə ad günündən qayıdarkən görüntülənən aktyor xanımının onun yeni imicini bəyəndiyini söyləyib: “Bərgüzar bəyəndisə, bəsdir”.

 

Əhəd Miriyev

 

Muz-Tv.az