Cennifer Lourens döyüş bölgələrinə yollanacaq

“Oskar”lı aktrisa Cennifer Lourens yeni filmə çəkilir. Axşam.az xarici mətbuata istinadən xəbər verir ki, Stiven Spilberqin...

   “Oskar”lı aktrisa Cennifer Lourens yeni filmə çəkilir. Axşam.az xarici mətbuata istinadən xəbər verir ki, Stiven Spilberqin rejissorluğu ilə lentə alınacaq ekran işində amerikalı hərbi fotoqraf Linsey Addarionun həyatından bəhs olunacaq. Lourens filmdə Əfqanıstan, İraq, Liviya və Sudanın döyüş bölgələrində baş verənləri çəkən fotoqrafın obrazını canlandıracaq. Ssenari Linsey Addarionun yazdığı kitab əsasında hazırlanıb.

    Kolumbiyalı müğənni Şakira sosial şəbəkədə 1984-cü ildə çəkilmiş fotosunu paylaşıb. İfaçı şəklin məktəb illərində lentə alındığını yazıb: “Burada məktəb yaşlarındayam. Bütün dünyada təhsil ala bilməyən 31 milyondan çox qızın məktəbə getmək hüququ və arzularını yerinə yetirmək istəyi ilə həmrəy olduğumu göstərmək üçün paylaşdım”.

    Bu yaxınlarda kanadalı müğənni Castin Biberlə alt paltarı reklamına çəkilən hollandiyalı model Lara Stoun 5 illik həyat yoldaşı David Uilyamsdan boşanır. Cütlüyün ayrılmasına Laranın Castinlə və “Bozun 50 çaları” filminin qəhrəmanı Ceymi Dornanla yarıçılpaq fotolar çəkdirməsi səbəb olub. Bundan başqa, yumor ustası Davidin qadın libası geyinərək tez-tez ekranlarda homoseksualları təqlid etməsinin xanımının xoşuna gəlməməsi də iddialar arasındadır.

    Məşhur amerikalı aktyor Harrison Ford təyyarə qəzasına düşüb. 72 yaşlı aktyorun özünün idarə etdiyi təyyarə Kaliforniyada yerə çırpılıb. Ağır yaralanan Ford xəstəxanaya aparılıb. Aktyorun başından zərbə aldığı deyilir. Qəzanın texniki problem səbəbindən baş verdiyi ehtimal olunur.

 

Əhəd Miriyev

 

Muz-Tv.az