Fidan Hacıyeva xalq artisti oldu

Opera müğənnisi Fidan Hacıyeva xalq artisti adına layiq görülüb. Prezident İlham Əliyevin dünən imzaladığı sərəncamla...

    Opera müğənnisi Fidan Hacıyeva xalq artisti adına layiq görülüb. Prezident İlham Əliyevin dünən imzaladığı sərəncamla Azərbaycan Respublikasında mədəniyyət sahəsində səmərəli fəaliyyətinə görə, 8 mart – Beynəlxalq Qadınlar günü münasibəti ilə Hacıyeva -Naylor Fidan Hacı Ağa qızına “Xalq artisti” adı verilib.

    Əməkdar artist Abbas Bağırov arıqlamağından danışıb. 45 kiloqramdan çox arıqlayan müğənni istədiyi görünüşü əldə etdiyini vurğulayıb: “Mənə çox arıqlamısan deyənlərə cavab vermək istəyirəm: musiqiçi səhnədə hər zaman əla görünməlidir. Özümə əvvəlki kimi kök olmağı yaraşdırmıram. Ciddi idmanın və pəhrizin nəticəsi məni istədiyim çəkiyə gətirdi. Sual verməyin ki, nə pəhriz saxlayıram, harada idman edirəm. İstənilən idman zalında məşq etmək olar. Pəhriz saxlamaq üçün həkimə müraciət edin”.

    Müğənni Elton Hüseynəliyev “Bir oğlum olsun” adlı yeni mahnısını təqdim edib. Bəstənin sözləri Elmir Vəliyev, musiqisi Hacı Nazim, aranjimanı isə Fərid İmana məxsusdur.

     Müğənni Elvin Abdullayev “Sevmək yaraşmadı” adlı mahnısına çəkdirdiyi klipini təqdim edib. Gürcüstanda lentə alınan ekran işinin rejissoru sənətçinin həyat yoldaşı Afət Abdullayevadır. Yeni işindən bəhs edən E.Abdullayev hər dəfə klip üçün Tiflisə yollanmağının səbəbini açıqlayıb: “Yaradıcı heyət Gürcüstandandır. Onların işləri xoşuma gəlir. Keyfiyyətli və maraqlı olur. Ona görə, hər dəfə Tiflisə yollanıram. Ssenarini həyat yoldaşım Afət yazıb. Sağ olsun ki, mənim işimə də vaxt ayırır”.

 

Əhəd Miriyev

 

Muz-Tv.az