Elçin Cəfərov: “Aygün Kazımova və Faiq Ağayev mahnımı bəyənmədilər”

 Xalq artisti Aygün Kazımova və Faiq Ağayev üçün yazılan mahnını müğənni Rəhim Rəhimli səsləndirib. 

     Xalq artisti Aygün Kazımova və Faiq Ağayev üçün yazılan mahnını müğənni Rəhim Rəhimli səsləndirib. Axşam.az-ın məlumatına görə, bu haqda bəstənin müəllifi, müğənni Elçin Cəfərov açıqlamasında deyib: “Aygün xanımla Faiq bəy bəyənmədi, oxumadı. Amma “Bir zamanlar” adlı mahnını Rəhim Rəhimli səsləndirdi”. R.Rəhimli isə bundan xəbərsiz olduğunu söyləyib: “Xəbərdən şok oldum. Mahnının Aygün xanım və Faiq bəy üçün yazıldığını bilmirdim. Maraqlı oldu… Demək, qismət belə imiş”. Qeyd edək ki, A.Kazımova və F.Ağayev sənət fəaliyyətinin 26 ilinin tamam olması münasibətiylə duet oxumaq istəyirdi. Onlar mahnını E.Cəfərov və şair Azər Şirinə həvalə etmişdi. Müğənnilər dueti ötən ilin yanvarında təqdim etməyi planlaşdırırdı.

    Müğənni Zamiq Hüseynov sevgidən danışıb. İfaçı hazırda həyatında xanım olmadığını bildirib: “Hazırda həyatımda heç kim yoxdur. Təkəm… Sevmək istəyirəm. Sevgisiz yaşaya bilmirəm”.

    Prodüser Tolik müğənni Rəqsanə İsmayılovaya irad bildirib. Prodüser instaqramda bir çox ifaçıların onu bezdirdiyini söyləyib: “Bezdirici müğənniləri İnstaqramda izləmirəm. Çoxlarını çıxarmışam. Məsələn, Rəqsanə… Eyni formada yüz foto çəkdirir, paylaşır. Nə olub? Amma o demək deyil ki, Rəqsanə ilə danışmırıq. Münasibətim var, hətta onun qızını da izləyirəm. Mənə o qədər təhqirlər yazırlar ki, biabırçı söyüşlər. Heç birinə əhəmiyyət vermirəm. Bilirəm ki, çoxları müğənnilərdir. Başqa adla profil açıb, girir, ürəyindəkiləri yazır".

     Müğənni Günay İbrahimli sevgilisindən ayrılıb. Sənətçi açıqlamasında onunla bir daha barışmayacağını bildirib: “Ayrıldıq, alınmadı. İstəsəydim, münasibət davam edərdi. Amma ürəklə yanaşı, ağılla da hərkət etmək lazımdır. Bizi kimsə ayırmadı. Elə insanam ki, qarşımda kim dayansa, mane olmağa çalışsa, sözünə qulaq asmaram. Səhvlər çox idi… Nöqtə qoydum. İstəmirəm qayıtsın. Qayıtsa belə, qəbul etmərəm. Ciddi səbəb olmasa, ayrılmazdım. Hazırda ayaqda qalmağıma ətrafimdakılar kömək olur. İndi də onu "tamamilə unutmuşam" deyə bilmərəm. Əlbəttə ki, yadımdadır”.

 

Əhəd Miriyev

 

Muz-Tv.az