Röya Ayxan brilyantlarını oğlu üçün saxlayır

Müğənni Röya Ayxan aldığı brilyant hədiyyələrdən danışıb. Sənətçi açıqlamasında onları istifadə etmədiyini bildirib

    Müğənni Röya Ayxan aldığı brilyant hədiyyələrdən danışıb. Sənətçi açıqlamasında onları istifadə etmədiyini bildirib: “Yaxşı, mənə lazım olacaq hədiyyələri sevirəm. 50 minlik boyunbağı hədiyyə edirlər, amma ürəyimcə olmur. Mən onu nə vaxt taxacam? Gözləyim, gərək 50 yaşım olsun, onda istifadə edim. Səhnəyə çıxanda heç vaxt brilyant taxmıram. Ancaq aksessuardan istifadə edirəm. Belə brilyantları isə oğlum üçün saxlayıram”.

    Müğənni Səbinə Babayeva həyat yoldaşı ilə fotosunu paylaşıb. İfaçı şəklə “Mənim ailəm, mənim həyatımdır. Xoşbəxtəm...” şərhini yazıb. S.Babayeva eyni zamanda 8 Mart – Beynəlxalq Qadınlar günü münasibətiylə həyat yoldaşının ona üzük bağışladığını vurğulayıb.

   Rəqqasə Oksana Rəsulova Novruz bayramı münasibəti ilə yeni fotosessiya etdirib. Sənətçi bu dəfə milli üsluba üstünlük verib. “Novruz bizim ən sevimli bayramımızdır. Azərbaycanda bu bayram xüsusi əhval-ruhiyyədə qeyd olunur. Mən milli adət-ənənələrimizə hörmətlə yanaşıram” - deyə, rəqqasə bildirib. Oksananın stili üzərində modelyer Mila Məlikova, vizajist Nura Babayevaya çalışıb.

   Türkiyəli müğənni Hande Yenər apreldə şəhərimizin qonağı olacaq. Bu haqda ifaçı sosial şəbəkədə yazıb. Üç ay ərzində verəcəyi konsertlərin siyahısını paylaşan Hande, aprelin 2-də Bakıda özəl gecəyə dəvət olunduğunu da qeyd edib.

 

Əhəd Miriyev

 

Muz-Tv.az