İrina Şeyk: “Düşünürdüm ki, özümə ideal kişi tapmışam”

Model İrina Şeyk “Real Madrid”li futbolçu Kriştiano Ronaldo ilə 5 illik münasibətini bitirmə səbəblərindən danışıb.

    Model İrina Şeyk “Real Madrid”li futbolçu Kriştiano Ronaldo ilə 5 illik münasibətini bitirmə səbəblərindən danışıb. Axşam.az Rusiya mətbuatına istinadən xəbər verir ki, model özünü xoşbəxt hiss etmədiyini və Ronaldonun yanında rahat olmadığını deyib: “Düşünürdüm ki, özümə ideal kişi tapmışam. Qadın yanında istədiyi kişi olmayanda rahatlıq tapmır. Məndə də o cür idi. Mən özünəinam hiss etmirdim. Münasibət çox mürəkkəb prosesdir. Əgər kiminləsə birlikdəsinizsə, bu o deməkdir ki, onunla ömür boyu yanaşı addımlayacaq və bir-birinizə olan gözləntilərinizi doğruldacaqsınız”.

    Dünyanın ən seksual qadınlarından sayılan model Rouzi Hantinqton-Uaytli “Barbie” olub. “Victoria`s Secret”in mələyi Rouzi Hantinqton-Uaytli “Vogue” jurnalının Yaponiya versiyası üçün “Barbie” gəlinciyinə çevrilib. Jurnalın aprel sayında fərqli “Barbie”ləri canlandıran Uaytlinin stilisti Anne Dello Russo olub.

    Tanınmış müğənni Teylor Svift 40 milyon dollara ayaqlarını sığorta etdirir. Hazırda bunun üçün rəsmi sənədləri hazırlayan sənətçi səhnəyə çıxıb rəqs edə və oxuya bilməməkdən ehtiyatlandığı üçün belə addım atır. Ümumilikdə 200 milyon dollarlıq sərvəti olan 25 yaşlı Teylor onun 40 milyonunu ayaqlarına görə ayırmaqdan çəkinmir.

    Müğənni İbrahim Tatlısəs əməliyyat olunub. Meneceri sənətçinin vəziyyətinin qənaətbəxş olduğunu açıqlayıb: “Səhhəti yaxşıdır. Zəng vurub maraqlanan bütün dostlarına, dua edən hər kəsə təşəkkürümüzü bildiririk”. Amerikanın Mayami şəhərində baş tutan əməliyyat 4 saatdan çox çəkib.

 

Əhəd Miriyev

 

Muz-Tv.az