Sənətə "yeni qaradərili Madonna" gəldi

Pop-ulduz Madonna reper Kanye Uesti “yeni qaradərili Madonna” adlandırıb. 

    Pop-ulduz Madonna reper Kanye Uesti “yeni qaradərili Madonna” adlandırıb. Axşam.az Rusiya mətbuatına istinadən xəbər verir ki, Madonna reperin də sənətə onun kimi sosial çərçivələri qıraraq gəldiyini əsas gətirərək ona “yeni qaradərili Madonna” deyib. Müğənninin fikrincə, onların ortaq cəhətləri insanları asanlıqla şoka sala bilmələridir. Qeyd edək ki, Madonna bu günlərdə səhnədə yıxılmağı və qırmızı xalıda paltarının arxasını açmağı ilə gündəmə düşmüşdü. Kanye Uest isə Nyu-York dəb həftəsində “Adidas Originals” üçün yaratdığı kolleksiya ilə insanları təəccübləndirmişdi. *****ABŞ-ın Mayami şəhərində beyin əməliyyatı keçirən müğənni İbrahim Tatlısəsin oğlu Əhməd atasının menecerinin sənətçinin səhhəti ilə bağlı “Vəziyyəti yaxşıdır” açıqlamasına əsəbləşib. Ə.Tatlısəs İnstaqramda atasının hələ də reanimasiyada olduğunu yazıb: “Bunu yazıb-yazmamaq haqda çox düşündüm. Amma mənim də səbrimin həddi var. Atam reanimasiyada ola-ola çıxıb “çox şükür, əməliyyat uğurlu keçdi” açıqlamasını vermək gülüncdür. Vəziyyəti hələ də ağırdır. Bu cür media xəbərlərinə qadağa qoyuram. Hamı həddini bilsin. “İbrahim Tatlısəs” adı üzərindən özünüzü reklam etməyi yığışdırın. Biz nələr çəkirik, siz nə haydasınız?! Heç nə və heç kim atamdan dəyərli deyil. Dualar edin!”.

    Aktrisa Tuba Büyüküstün “Marie Claire Arabia” jurnalının mart sayı üçün fotokamera önünə keçib. Jurnalın üz qabığında fotosu dərc ediləcək aktrisa müsahibəsində karyerası, ailə həyatı, “Emmi” mükafatlandırma mərasimi və yer aldığı sosial layihələrdən danışıb. Tubanın şəkilləri ərəb ölkələrinin nəhəng reklam lövhələrində də yer alacaq.

    Müğənni Gülbən Ərgən oğullarıyla birlikdə gəzintiyə çıxarkən görüntülənib. Əvvəl yemək yeyən sənətçi və uşaqları, daha sonra alış-veriş mərkəzinin oyun bölməsinə keçiblər. Gülbənin böyük oğlu Atlasın fotolarını çəkən müxbirlərə "Bu şəkli sabah qəzetdə görüm" deməsi hər kəsi güldürüb.

 

Əhəd Miriyev

 

Muz-Tv.az