Sami Yusuf Bakıda jurnalistlərlə görüşdü

Dünya şöhrətli müğənni Sami Yusuf Bakıda media nümayəndələri ilə görüşüb. 

   Dünya şöhrətli müğənni Sami Yusuf Bakıda media nümayəndələri ilə görüşüb. Əslən Təbrizli, cənubi azərbaycanlı olan Sami Heydər Əliyev Sarayında reallaşacaq 2 günlük konsertindən danışıb. İfaçı “KEvents Group”un təşkilatçılığı altında “Sarı gəlin” proqramı ilə qarşınıza çıxacaq. Nəzərinizə çatıraq ki, bir müddət öncə sənətçi “Sarı gəlin” xalq mahnımızı yarı inglis, yarı azəri dilində oxuyaraq öz repertuarına əlavə etmişdi: “Burada olduğunuza görə hər birinizə minnətdaram. Məni gözəl qarşıladığınız üçün təşəkkür edirəm. Gəlişimin səbəbi Heydən Əliyev Sarayında 2 günlük konsert verməkdir. Ən son Bakıya 9 il öncə gəlmişdim. Mənim uşaqlığım “Sarı gəlin” mahnısı ilə keçib. Azərbaycan mədəniyyətini nəzərə alaraq bu mahnını albomuma daxil etdim”.

   Gün-gündən gözəlləşən Bakıya gəlincə isə, sənətçi ölkəmizi belə qiymətləndirib: “Daha çox qədimi Bakını görməyə üstünlük verərdim. Amma dəyişikliyə gəlincə, Azərbaycan çox inkişaf edib” Qeyd edək ki, “Sarı gəlin” adı altında reallaşacaq konsert martın 14-ü və 15-i Heydər Əliyev Sarayında keçiriləcək.

 

Sevda Məmmədova

Çingiz Abdullayev

 

Muz-Tv.az