Emin Madriddə konsert verdi

İfaçı-bəstəkar Emin Avropa turuna davam edir. Sənətçi ötən gün Madriddə konsert verib. 

    İfaçı-bəstəkar Emin Avropa turuna davam edir. Sənətçi ötən gün Madriddə konsert verib. O, “Amor” albomunun tanıtımı məqsədiylə keçirilən gecədə sevilən mahnılarını səsləndirib. Qeyd edək ki, Emin bir neçə gün əvvəl Londonda konsert vermişdi. Müğənni martın 18-də Parisdə, 24-də Minskdə, 23 apreldə Yesentukidə, iyulun 16-da isə Bakıda konsert proqramı ilə çıxış edəcək.

    Müğənni Xəyyam Nisanov dünyaca məşhur ifaçı Araş və rusiyalı həmkarı Nikolay Baskovla fotolarını paylaşıb. Axşam.az-ın məlumatına görə, sənətçi onlarla Moskvada eyni toy məclisində bir araya gəldiklərini vurğulayıb. O, N.Baskovun şəklinin yanına “Onunla hər zaman əhvalın yüksək olur. Əsl bayram adamıdır. Nikolay Baskovla məclis aparmaq çox maraqlıdır” şərhini yazıb. Qeyd edək ki, sözügedən toy məclisində xalq artisti Aygün Kazımova, meyxanaçı Namiq Qaraçuxurlu və Aşıq Samirə də yer alıb.

    Müğənni-bəstəkar Rəhim Rəhimli ilk dəfə repertuarına türk mahnısı daxil edib. Musiqisi anonim olan "Tərk-i dünya"nın sözləri Murad Günəşə məxsusdur. Dicey və şair Azər Şirin mahnını Azərbaycan dilinə çevirib. R.Rəhimli yeni mahnısına klip də çəkdirib. Ekran işinin rejissoru Anar Hüseynovdur. Sənətçinin klipdə tərəf müqabili "Miss Şarm Azərbaycan 2014" seçilmiş Natavan Əfəndiyevadır.

    Müğənni Günay İbrahimli prodüseri Toma Hüseynəliyeva ilə birlikdə Gürcüstan səfərindən qayıdıb. Sənətçi açıqlamasında səfərin məqsədinin yaradıcılığı ilə bağlı olduğunu deyib: “Müğənni Elvin Abdullayevin mənim üçün yazdığı yeni mahnını Gürcüstanda “Bravo Rekords” studiyasında aranjman etdirirəm. Eyni zamanda Gürcüstanda klip çəkdirməyi planlaşdırıram. Gürcü rejissorla işləyəcəm. Yayda isə turneyə çıxacam. Beş rayonda konsert verəcəm. Bu, Qarabağ bölgəsi olacaq. Çünki özüm də o yerlərdənəm. Turnenin sonuncu konserti Heydər Əliyev Sarayında baş tutacaq". G.İbrahimli pərəstişkarları ilə görüş də keçirəcək: "Bir mahnı var. Onun sinqlını çıxaracam. Həmin diskdə bir mahnının beş versiyası yer alacaq. Onun təqdimatını edəcəyik. Orada sevənlərim də olacaq".

 

Əhəd Miriyev

 

Muz-Tv.az