Aygünlə Namiqin mahnısını oğurlayıblar

Xalq artisti Aygün Kazımovanın meyxanaçı Namiq Qaraçuxurlu ilə oxuduğu “Dözmədi qəlbim” mahnısını oğurlayıblar. 

    Xalq artisti Aygün Kazımovanın meyxanaçı Namiq Qaraçuxurlu ilə oxuduğu “Dözmədi qəlbim” mahnısını oğurlayıblar. Axşam.az-ın məlumatına görə, bu haqda meyxanaçı açıqlamasında bildirib. “Özbək bir müğənni oxuyub. Adımı müəllif kimi yazıb. Amma nə olsun? Zəng edib icazə almalıydı. Bundan əvvəl də mahnılarımı oxuyanlar olub. İcazə alıblar. Nə edim? Məhkəməyə verim?”.

   “Bacım Matan məndən də gözəl oxuyur. Hətta mənə görə müğənni olmur. Deyir, ona görə oxumuram ki, mən çıxsam, sən batarsan”. Bu sözləri açıqlamasında müğənni Xumar Qədimova deyib: “Bacıma deyirəm ki, mənim səsim, ifam fərqlidir. Heç kim bunu batıra bilmədisə, sən də bacarmazsan. Gəl sənətə, duet oxuyaq. Matan cavab verdi: “Heç kim bacarmasa da, mən səni batıra bilərəm. Çünki mənim də səsim qeyri-adidir”. Ona cavab verməyə söz tapmadım. Həqiqətən də bacımın səsi qeyri-adidir”.         Müğənni Roza Zərgərli "Şirin çay" adlı yeni mahnısını təqdim edib. Bəstənin müəllifi Murad Arifdir. Fərid İmanın aranjiman etdiyi mahnıya R.Zərgərli klip çəkdirəcəyini bildirib.

    Müğənni Emil Bədəlov klassik mahnılara müraciət etməyinin səbəbini açıqlayıb. Sənətçi müasir bəstəkarların musiqilərini bəyənmədiyini deyib: "Hamısı bir-birinə oxşayan, şablon mahnılardır. Mən gənc bəstəkarların əsərlərini oxumaq istəmirəm. Özümü bəstəkar kimi sınamaq fikrim də yoxdur. Müğənniyəm, işim oxumaqdır. Sənətçinin başqa işlə məşğul olmasına yaxşı baxmıram. Bir ara aparıcılıqla məşğul oldum. Böyük səhv etdim. İndi təklif gəlsə də, razılaşmıram".

 

Əhəd Miriyev

 

Muz-Tv.az