İbrahim Tatlısəs komadan ayıldı
Amerikada beyin əməliyyatı olunan müğənni İbrahim Tatlısəs 6 gün sonra komadan ayılıb.
Amerikada beyin əməliyyatı olunan müğənni İbrahim Tatlısəs 6 gün sonra komadan ayılıb. Axşam.az “Posta”ya istinadən xəbər verir ki, meneceri Eyyub Kanat sənətçinin gözlərini açdığını və reanimasiyadan palataya köçürüldüyünü açıqlayıb: “İbrahim bəy oyandı. Ancaq ağrısı çox olduğu üçün həkimlər dərmanlar vasitəsilə onu yenidən yatırdırlar. Bir neçə gün sonra hər şey yoluna düşəcək. Beyin funksiyaları normal işləyir. Qorxulu heç nə yoxdur. Bir ay fiziki terapeyadan keçəcək. Xanımı Ayşəgül Yıldız və qızı Elif Ada onun yanındadırlar”. Xatırladaq ki, martın 9-da əməliyyat edilən İ.Tatlısəs komaya düşmüşdü və sənətçinin vəziyyətinin ağır olduğu deyilirdi.
Portuqaliyalı futbolçu Kriştiano Ronaldo "Facebook"da rekorda imza atıb. Futbolçunun rəsmi səhifəsi hazırda dünyanın ən çox bəyənilən səhifəsidir.107 milyon 104 min izləyicisi ilə Ronaldo özündən əvvəlki rekordçu müğənni Şakiranı da geridə qoyub.
Uğurlu futbol karyerası və qalmaqallı sevgi münasibətlərinə görə daim gündəmdə olan futbolçunun əksinə olaraq Şakira futbolçu Pike ilə standart sevgi münasibəti yaşayır. Kriştiano isə iki ay əvvəl rus model İrina Şeykdən ayrılaraq fanatlarının sayını daha da artırmış olub.
Müğənni Ebru Gündeş cənubi azərbaycanlı iş adamı, həyat yoldaşı Rza Zərrabla uzun fasilədən sonra yenidən bir yerdə görüntülənib. Restoranların birindən çıxarkən obyektivlərə tuş gələn cütlük şəkillərinin çəkildiyini görüncə təəccüblənib. Həyat yoldaşından aralanıb yolunu dəyişdirən Ebru jurnalistlərdən “Bizi necə tapdınız?”, - deyə soruşub. 3 nəfər cangüdənin müşayiəti ilə Gündeşlə Zərrab avtomobillərinə minərək oradan uzaqlaşıblar.
Uzun müddətdir birlikdə olan müğənni Sinan Akçılla aparıcı-model Ebru Şallı ayrılıblar. Hər zaman bir-birlərini çox sevdiklərini deyən cütlük gözlənilmədən münasibətlərini bitirmək qərarına gəliblər. Ebru Şallı jurnalistlərin məsələ ilə bağlı sualına “Qurtardı, vəssalam”, - deyə cavab verib.
Əhəd Miriyev
Muz-Tv.az