Brilliant Dadaşova "Asiyanın ariyası"nı oxuyub

Xalq artisti  Brilliant Dadaşova Novruz bayramı ərəfəsində sevənlərinə yeni mahnısını təqdim edib.

    Xalq artisti Brilliant Dadaşova Novruz bayramı ərəfəsində sevənlərinə yeni mahnısını təqdim edib. Axşam.az-ın məlumatına görə, o, dahi Üzeyir Hacibəyovun 130 illik yubileyi ərəfəsində "Arşın mal alan" operettasından "Asiyanın ariyası"nı oxuyub. İfaçı mahnıya video çarx da hazırlayıb. Ekran işinin müəllifi rejissor Aydın Asdır.

    Xalq artisti Aygün Kazımova və müğənni Röya Ayxan eyni üzükdən istifadə edib. A.Kazımova bir neçə ay əvvəl həmin üzüyü verilişlərin birində qonaq olarkən taxmışdı. R.Ayxan isə bir neçə gün əvvəl qatıldığı toy məclisində aksessuarın eynisindən istifadə edib. Sənətçi gecədən fotolarını sosial şəbəkədə paylaşmışdı.

     Yeri gəlmişkən, Bakının qonağı olan türkiyəli müğənni Soner Sarıkabadayı sənətçi Röya Ayxanla dostluqlarından danışıb. Soner açıqlamasında yeni işbirliklərindən də bəhs edib: “Aramızı heç kim vura bilməz. Röya kimi qəlbi ilə gözləri bir olan insanla mehriban olmamaq mümkün deyil. Ürəyində nə varsa, üzündə əks olunub. Röya həyatımda olduğu üçün çox şanslıyam. Onunla işbirliyimiz davam edəcək. “O konu” adlı mahnımız var. Gözləyirik, Röya Türkiyəyə gəlib, mahnını oxusun. Gözəl alınacağına inanıram”.                Müğənni Xumar Qədimova sevgidən danışıb: "Heç bir sevgi yaşamıram, ürək sevgisi yaşayıram. Oxuduğum nəğmələri dünyaya gətirən o ürəkdir". O qeyd edib ki, sevgi gözəl hissdir, Xumarın sevgisindən isə yoxdur.

 

Əhəd Miriyev

 

Muz-Tv.az