Model-aktrisa Günay Musayeva "İstanbul Fashion Week"-də iştirak edəcək

Türkiyədə fəaliyyət göstərən model-aktrisa Günay Musayeva "İstanbul Fashion Week"də iştirak edəcək. 

    Türkiyədə fəaliyyət göstərən model-aktrisa Günay Musayeva "İstanbul Fashion Week"də iştirak edəcək. Həmyerlimiz eyni zamanda Kipr Universiteti tərəfindən mükafatlandırılıb. Universitet tələbələri arasında keçirilmiş qapalı səsverməylə Günay "İlin ən yaxşı modeli" seçilib. Bu yaxınlada Bakıda qonaq olan və “Baku Fashion Nights”da podiuma çıxan G.Musayeva martın 22-də yenidən şəhərimizin qonağı olacaq. O, rol aldığı “Kod adı K.O.Z” filminin Nizami Kino Mərkəzində baş tutacaq qala gecəsində media nümayəndələri ilə görüşəcək.

    Müğənni Lətifə Soyuöz dünyaca məşhur ifaçı Elton Conla duet oxumaq istəyir. Sənətçi bu haqda açıqlamasında deyib: “Canın sağ olsun” mahnısını İngiltərədə studiyada yazdırmışdım. Həmin studiyada Elton Con, Rihanna, Britni Spirs də işləyir, mahnı lentə aldırır. Ən böyük arzum Elton Conla duet oxumaqdır. Çox sevdiyim bir ifaçıdır”.

    Bu il Qaraqan Azərbaycanı Texas ştatı, Ostin şəhərində keçirilən nüfuzlu South by Southwest 2015 (SXSW) beynəlxalq festivalında təmsil edəcək. Qaraqan festivalda "Spoken word & rap poetry" janrında çıxış edəcək yeganə ifaçıdır. Onun çıxışı martın 18-də olacaq.

    Reper Qurd “Tək-tək” adlı yeni mahnısını təqdim edib. Musiqisi və sözləri ifaçının özünə aid olan bəstəni Nadir Nəğdpul aranjiman edib. Reper yeni mahnısına klip də çəkdirəcək.

 

Əhəd Miriyev

 

Muz-Tv.az