Faiq Ağayev özünü aktyor kimi sınamaq istəyir

Xalq artisti Faiq Ağayev aktyorluq etmək istəyir. Axşam.az-ın məlumatına görə, müğənni bu haqda açıqlamasında bildirib:..

    Xalq artisti Faiq Ağayev aktyorluq etmək istəyir. Axşam.az-ın məlumatına görə, müğənni bu haqda açıqlamasında bildirib: "Aktyorluq mənə çox maraqlıdır. Amma heç vaxt rejissorlardan film, serial təklifi almamışam. Yəqin yüksək qonorar istəyəcəyimdən qorxublar. Mənim üçün rolun mənfi və ya müsbət olması prinsip deyil. Pislik edən bir obraz daha yaddaqalan olur. Özəl bir obraz istəmirəm. Maraqli ssenari olsun, oynayaram".

    Əməkdar artist Tünzalə Ağayeva "Mələyim" adlı yeni mahnısını sevənlərinin ixtiyarına verib. Bəstənin sözləri Mələk Xəlilə, musiqisi müğənninin özünə məxsusdur.

    Türkiyəli müğənni Murad Dalkılıçın Bakı konserti baş tutub. Nahid Emiloğlunun təşkilatçılığı ilə keçirilən konsertdə səhnəyə ilk olaraq müğənni Aysel Əlizadə çıxıb. Bir-birinin ardınca sevilən mahnılarını səsləndirən ifaçı alqışlarla qarşılanıb. Daha sonra Murad Dalkılıç səhnəyə çıxaraq, yeni albomunda yer alan bütün mahnıları oxuyub. Bakı ilə bağlı fikirlərini qonaqlarla bölüşən türkiyəli ifaçı şəhəri çox bəyəndiyini bildirib. O, bundan sonra da paytaxtımıza tez-tez gələcəyini vurğulayıb: "Təşkilatçıdan özüm dəfələrlə xahiş etdim ki, məni Bakıya gətirsin. Nəhayət, buradakı sevənlərimlə görüşə bildim. Buralara heyran qaldım".

    "Eurovision" təmsilçilərimizdən olan Safurə Əliyevanın həyat yoldaşı ilə yeni fotoları yayılıb. Şəkillərin yanına "Xoşbəxtlik" sözü yazılıb. Qeyd edək ki, S.Əliyeva Fərhad Əliyevlə ailə qurub. Hazırda Türkiyədə yaşayan cütlüyün bir oğlu var.

 

Əhəd Miriyev

 

Muz-Tvaz