Tom Kruz və Keti Holms bir-birinə nifrət etdiyi üçün bu üsulla əlaqə saxlayır

8 yaşlı qızları Suri üçün görüşən model Keti Holms və aktyor Tom Kruz bir-biri ilə danışmır. 

     8 yaşlı qızları Suri üçün görüşən model Keti Holms və aktyor Tom Kruz bir-biri ilə danışmır. Axşam.az “Hollywood magazin”ə istinadən xəbər verir ki, keçmiş ər-arvad bir araya gələndə yanlarında başqa insanlar olur. Danışmayacaqlarına söz verən məşhurlar görüşdükləri təqdirdə bir-birinə sözlərini yanlarındakı insanlar vasitəsilə çatdırırlar. Bu vəziyyətin Tom Kruzun aid olduğu “Scientology” təriqəti ilə heç bir bağlılığı olmadığı vurğulanıb. Ümumilikdə, səbəb kimi keçmiş cütlüyün bir-birinə nifrət etməsi göstərilir.

      Cazibədar model Miranda Kerrlə iki il əvvəl ayrıldığı əri aktyor Orlando Blumun yenidən görüşməyə başladıqları iddia olunur. “Oskar” ziyafətindən birlikdə ayrılan cütlüyün daha əvvəl də görüşdükləri üzə çıxıb. Cütlüyün yaxınlarının mətbuata ötürdüyü məlumatlara görə, onlar boş vaxt tapan kimi bir araya gəlirlər. Tanınmışlar belə görüşlərin oğulları Flinnə yaxşı təsir etdiyini bəhanə gətirsələr də, cütlüyün aralarındakı yaxınlıq gözdən qaçmayıb. Qeyd edək ki, Blumla Kerr 2013-cü ildə ayrılıblar.

     Müğənni Rita Ora reklam siması olduğu “Coca-Cola”nın 100-cü ildönümü münasibətilə təşkil edilən tədbirə qatılıb. Gecəyə qırmızı libasla yollanan ifaçı uzun yarığı ilə diqqət çəkib. Rita Oranın geyimi markanın ildönümünə olan marağı geridə qoyub.

     Türkiyəli müğənni Hande Yenər Azərbaycanla bağlı təəssüratlarını bölüşüb. Buranı çox sevdiyini deyən sənətçi tez-tez gələcəyinə söz verib: "Yeni ildə də Azərbaycana gəlmişdim. Bura üçün çox darıxmışdım. Bundan sonra hər iki aydan bir Bakıya gələcəm". Qeyd edək ki, H.Yenər martın 21-də Şamaxıda konsert verib.

 

Əhəd Miriyev

 

Muz-Tv.az