Səməd Səmədov kimsəsiz ağbirçəyi himayəsinə götürdü

Xalq artisti Səməd Səmədov növbəti xoş missiyaya imza atıb Milli.Az-ın məlumatına görə, ifaçı kimsəsiz ağbirçəyi himayəsinə götürüb:..

     Xalq artisti Səməd Səmədov növbəti xoş missiyaya imza atıb Milli.Az-ın məlumatına görə, ifaçı kimsəsiz ağbirçəyi himayəsinə götürüb: “Kişinin sözü bir olar. Səməd dedi, bitdi. Mən bu qadına sahib çıxıram. Kimsəsiz analara, insanlara əl tutmaq bizim borcumuzdur. Hər şey yaxşı olacaq. Sizi mən öz himayəmə götürdüm”. Xatırladaq ki, kimsəsiz qadının evinə qonaq olan ifaçı ona bayram sovqatı da verib. Qeyd edək ki, S.Səmədov bir müddət öncə də kimsəsiz 2 gəncə toy etmişdi.

     Əməkdar artist Abbas Bağırov müğənni R.İsrafilovla münasibətlərindən danışıb. O,açıqlamasında bunları bildirib: "Mən "A-trio"nu yaratdım, məşhurlaşdırdım. Məqsədim ifayla tamaşaçını təəccübləndirmək idi, bunu da bacardım. Ramala qrupumda olanda çox şey öyrətmişəm. Qrupun üzvlərinə fərqli dillərdə mahnılar öyrədirdim. Studiyaya salırdım, qapını bağlayırdım ki, qalın burda oxuyun. Məlumatlar axtarırdım, tapırdım. Sonradan qrupdan getdilər, itirən mən olmadım". "Ramal mənim yanımda olanda mahnı bəstələmirdi. Qrupdan sonra yazdı, gətirib mənə göstərirdi. Gedib Aygün Kazımovadan, Röyadan, başqa müğənnilərdən xahiş edirdim ki, Ramalın mahnısın oxuyun. Gənc idi, dəstək olurdum. İstəyirdim o sahədə də tanınsın. Bunu etiraf etsin".

     Müğənni İradə İbrahimova 10 ildir birlikdə çalışdığı prodüseri Səbinədən ayrılıb. Sənətçinin mətbuat katibi Zəminə Rüstəmova yayılan xəbəri təsdiqləyib: “Prodüser günün əsas hissəsini müğənninin yanında olmalı, sənət işlərini icra etməlidir. Səbinə xanımın isə azyaşlı körpəsi var. Zamanını İradə xanımın iş qrafikinə uyğunlaşdıra bilmir. Hələlik o, ailəsinə daha çox zaman ayırmalıdır. Birlikdə danışıb belə bir qərar verdilər. İradə İbrahimova ilə Səbinə xanımın dostluğu, ailə münasibəti davam edir".

      Müğənni Elnarə Xəlilova TRT Avaz tərəfindən telekanalın 6 illiyi və Novruz bayramı münasibətiylə təşkil olunan konsert proqramında çıxış edib. Məşhur "Enbe Orkestri"nin müşayiəti ilə keçirilən mərasimdə E.Xəlilova səhnəni türkiyəli ifaçı Kubatla bölüşüb. Konsertdən əvvəl TRT Avaza müsahibə verən həmyerlimiz Novruz adət-ənənələrindən, şirniyyatlarından danışıb. Səhnəyə “Laçın” mahnısı ilə çıxan Elnarə “Cənnətim Qarabağ” və “Novruz” mahnılarını ifa edib.

 

Əhəd Miriyev

 

Muz-Tv.az