İqqi Azaliya plastik əməliyyat etdirib

Tanınmış müğənni, repper İqqi Azaliya plastik əməliyyatla sinəsini böyütdürdüyünü etiraf edib. 

    Tanınmış müğənni, repper İqqi Azaliya plastik əməliyyatla sinəsini böyütdürdüyünü etiraf edib. Axşam.az Rusiya mətbuatına istinadən xəbər verir ki, müğənni müsahibəsində bütün ömrü boyu bunu arzuladığını bildirib: “Dörd ay bundan əvvəl nəhayət böyük sinəyə sahib oldum. Bütün ömrüm boyu bunu arzulamışdım. Hər geyimimdən əvvəl xüsusi alt paltarından istifadə etməkdən bezmişdim, daha onlara ehtiyacım olmayacaq”.

    Yeni Zelandiyada doğulan aktyor və rejissor Rassel Krou Avstraliya vətəndaşlığı ala bilmir. 4 yaşından Avstraliyada yaşayan aktyor “Radio Times” jurnalına iki dəfə vətəndaşlıq üçün müraicət etsə də, rədd cavabı aldığını və məyus olduğunu dilə gətirib. “Oskar”lı aktyor yeni zelandiyalıların Avstraliya vətəndaşlığına qəbulunu çətinləşdirən qanuna görə rədd cavabı aldığını deyib. Qanuna əsasən, vətəndaşlıq almaq üçün 2000-2002-ci illərin böyük bir hissəsini Avstraliyada keçirmək şərtdir. Krou isə həmin illərdə film çəkilişlərinə görə ölkədə olmayıb.

    “Emmi” mükafatlı “Mad Man” serialının qəhrəmanı, aktyor Con Hammın uzun müddətdir alkoqol asılılığından əziyyət çəkdiyi məlum olub. Adıçəkilən serialda pis keçmişi və zərərli vərdişləri olan reklamçı Don Draper obrazını canlandıran aktyorun real həyatda da spirtli içki aludəçisi olduğu üzə çıxıb. Uzun müddətdir müalicə alan 43 yaşlı Con bunu hamıdan gizlədirmiş. Aktyorun xanımı Cennifer Vestfeldt mediadan bu məsələyə həssas yanaşmağı tələb edib.

    Müğənni Hande Yenər Bodrumda açacağı “Sebastian” adlı şəxsi çimərliyində fotosessiya etdirib. Bununla da o, Bodrumda tətil mövsümünü açan ilk sənətçi olub.

 

Əhəd Miriyev

 

Muz-Tv.az