Murad Dadaşov özünü rejissor kimi sınayacaq

Əməkdar artist Murad Dadaşov özünü rejissor kimi sınayacaq. 

    Əməkdar artist Murad Dadaşov özünü rejissor kimi sınayacaq. Axşam.az-ın məlumatına görə, şoumen bu haqda açıqlamasında bildirib: "Yaxın günlərdə bir neçə filmimin anonsunu görəcəksiniz. Bu işlərdə aktyor kimi görünməyəcəm. Özümü nədənsə kadr arxasında təsəvvür edirəm. Amma balaca, maraqlı bir epizodu oynaya bilərəm. O da ki, dramatik bir rol olsa. Həmişə komediya rolu oynayan aktyorlar dramatik obrazda görünməyi arzulayırlar".

    Müğənni Xumar Qədimova şou-biznesdəki dostluqlardan danışıb. İfaçı açıqlamasında onları saxtakarlıqda günahlandırıb: "Saxta dostlardansa, heç olmaması yaxşıdır. Az, amma dürüst olan öz ətrafım gözəldir. Elə olub ki, məclisə dəvət almışam, eyni masada oturmuşuq, bir-birinin qeybətini qırıblar. Onları dəvət edənin belə arxasınca danışıblar. Belələrini məclisinə çağıran da onların tayıdır. Cüzi bir narazıçılıqdan belə əhvalım pozula bilər. Ona görə hamıdan kənaram. Soyuq münasibət göstərməsəydim, hamısı yanıma qaçardı".

    Rəqqasə Oksana Rəsulova Hindistandan aldığı film təkliflərini qəbul etməməyinin səbəbini açıqlayıb: Sənətçi heç vaxt açıq-saçıq səhnələrə çəkilməyəcəyini bildirib: "Təcrübəm, həyata baxışım başqadır. Heç vaxt açıq-saçıq səhnələrə çəkilmərəm. Hindistanda soruşurlar ki, aktrisasan, burada nə var ki, oynamalısan. Qəbul etmirəm. Hindistanda film təklifləri gələndə, əvvəlcədən deyirəm ki, açıq səhnələr olmasın. Olacaqsa, razılaşmıram".

    Müğənni Sevil və Sevinc bacıları “Anla məni” adlı yeni klipini tamaşaçıların ixtiyarına verib. Söz və musiqisi Tural Bayraməliyevə məxsus olan bəstənin ekran işi Dubayda və Bakıda lentə alınıb.

 

Əhəd Miriyev

 

Muz-Tv.az