Faiq Ağayev: “Mahnı bizi qane etmədi”
Xalq artisti Faiq Ağayev həmkarı Aygün Kazımova ilə oxuyacaqları duetin təxirə düşmə səbəblərini açıqlayıb.
Xalq artisti Faiq Ağayev həmkarı Aygün Kazımova ilə oxuyacaqları duetin təxirə düşmə səbəblərini açıqlayıb. Axşam.az-ın məlumatına görə, müğənni açıqlamasında ifaçı Elçin Cəfərovun onlar üçün yazdığı bəstəni bəyənmədiklərini etiraf edib: “Mahnı bizi qane etmədi. Öz-özlüyündə yaxşı mahnı idi. Bəstəni Rəhim Rəhimli oxudu. Amma Aygünlə mənim mövzum deyildi. Aygünlə birlikdə mahnının müəllifi ilə məsləhətləşdik. İttiham etmək yox, yol göstərmək lazım idi. Biz ittiham etmirik. Mən kiminsə arxasınca danışa bilmərəm ki, ay qatarı getdi. Sözünü demiş, gənc bəstəkarlar arasında yetərincə hit mahnılar yazanları var. Yaxşı mahnı olsa, duet oxuyarıq. Məhəbbətdən, həyat təcrübəsi olan iki insandan bəhs edən bəstə ola bilər”.
Xalq artisti Brilliant Dadaşova Novruz bayramı ərəfəsində Türkiyədə konsert verib. Müğənni İstanbulda "Rəşid Cəmal Rey" konsert salonunda dinləyiciləri üçün sevilən mahnılarını səsləndirib. B.Dadaşova səhnəni balaban ifaçısı Əlixan Səmədovla bölüşüb.
Müğənni Nadir Qafarzadə bu dəfə xalq artisti Zülfiyyə Xanbabayevanın ünvanına söz atıb. İfaçı açıqlamasında müğənninin son vaxtlar sənətdə zəiflədiyini bildirib: “Mənimlə eyni vaxtda sənətə gələnlər çox iş gördü. Bizdən sonrakılar heç nə etmir. Bircə Günay İbrahimli və Sevda Yahyayeva işləyir. Bilmirəm bu nə ilə bağlıdır: ya maddi durum pisdir, ya da həvəsləri yoxdur. Şou-biznesə virus düşüb, müalicə etmək lazımdır. Aygün Kazımova 25 ildir səhnədədir, işləyir. Faiq Ağayev də işlər görür. Zülfiyyə Xanbabayeva əvvəllər daha çox “guruldayırdı”: turnelər, kliplər... İndi nədənsə küsüb, yoxdur. İstəyərdim yenidən səhnədə “guruldasın”.
Rəqqasə Oksana Rəsulova “Audi Q7” markalı avtomobili ilə fotokameralar qarşısına keçib. Yeni avtomobili ilə şəkillər çəkdirən sənətçi sürücülük qabiliyyətindən də bəhs edib: “2000-ci ildən avtomobil idarə edirəm. Düşünürəm ki, yaxşı sürücülərdən biriyəm. Qaydalara yeganə əməl etdiyim yer yoldur. Hərdən qaydaları pozduğum hallar da olub. Tələsəndə hərdən qoşa xətti tapdalayıram. Amma cəriməmi ödəmişəm. Bir dəfə maşınımda pərdə var idi, qadağan edildiyini bilmirdim. Polis saxladı və cəza tədbiq etdi. 160 manat cərimə ödədim. Təhlükəsizlik kəmərindən həmişə istifadə edirəm. Sürəti heç sevmirəm. Taksidə və ya dostumun maşınında gedəndə də tapşırıram: sürəti azalt, olmaz. 15 ildə bir neçə dəfə maşınımı dəyişmişəm. Son üç avtomobilimi kreditə almışam, hamısını da problemsiz ödəmişəm”.
Əhəd Miriyev
Muz-Tv.az