Nadir Qafarzadə həyat yoldaşına sürpriz hazırlayıb

Ötən il həyat yoldaşına konsert verən müğənni Nadir Qafarzadə ailə qurmasının 23 illiyi münasibəti ilə xanımına sürpriz hazırlayıb. 

    Ötən il həyat yoldaşına konsert verən müğənni Nadir Qafarzadə ailə qurmasının 23 illiyi münasibəti ilə xanımına sürpriz hazırlayıb. Axşam.az-ın məlumatına görə,sənətçi açıqlamasında “Sevincim” adlı mahnı ifa etdiyini bildirib. “Bu, bir sevgi etirafıdır. Təxminən 3-4 dəqiqəlik mahnıda keçdiyimiz həyat yoluna nəzər salmışam. İndi bir çoxları deyəcək ki, Nadir həyat yoldaşı ilə gündəmə gəlir. Heç də belə deyil. Sadəcə, mənim xanımıma verdiyim sevgi, hörmət və dəyərdi. Düşünürəm ki, hər bir bəy öz xanımına dəyər verməlidir. Mən də müğənniyəm. Öz sevgi etirafımı ona musiqilərimlə bildirirəm. Heç kimsə düşünməsin ki, bu gündəm, reklam üçündür. Mənim reklama ehtiyacım yoxdur. 23 illik həyat yoldaşıma, uşaqlarımın anasına təqdim edəcəyim növbəti hədiyyədir. “Sevincim” adlı bəstənin sözləri Altay Yaşara, musiqisi isə Fərid Kərimliyə məxsusdur. Oxuduğum bu mahnının həyatımda ayrı yeri olacaq”.

    Müğənni İradə İbrahimova imicində dəyişiklik edib. Saçını tünd rəngə boyayan sənətçi bu addımı kökəldiyi üçün atdığını bildirb: “Yeni saç boyamı sevdim. Rəngin adı nədir soruşmayın, çünki hələ mən də bilmirəm. İşıq vurduqca dəyişir. Kökələn kimi saçlarımı tünd rəngə boyamağı icad etdim”. Qeyd edək ki, ana olduqdan sonra yüz kiloqrama qədər kökələn müğənni 50 kiloqram arıqlamışdı.

    Müğənni Sevinc Musayevanın hicablı şəkilləri yayılıb. Sənətçi açıqlamasında yeni fotosessiyasının səbəbini açıqlayıb: “Hicab bağlamaq böyük məsuliyyətdir. Hələ ki, buna hazır deyiləm. Gələcəkdə Allah qismət edərsə, niyə də yox... Hicab qadının yaraşığıdır. Yaxın rəfiqəm, vizajist Nigar Ulduzun xahişi ilə belə çəkilişə razılaşdım. Burada mən model kimi çıxış etmişəm. Məqsədim hicabı yox, Şərq makiyaj tərzini nümayiş etdirməkdir. “Klon” teleserialında bu tip makiyajı görüb, çox xanımlarımız bəyənib. Mən də o ekran işindəki xanımların stilini bəyənirdim. Bu sevgimə görə də razılaşdım”.

    Müğənni Lətifə Soyuöz 18 kiloqram arıqlayıb. İfaçı ana olduqdan sonra xeyli kökəldiyini bildirib: “Bayramda paxlavadan, şəkərburadan imtina etdim. Bircə qoğal yeyirdim. Onu da bir qoğalı üç yerə bölürdüm. Ana olduqdan sonra 18 kiloqram arıqlamışam. Hazırda çəkim 65-dir. Hələ 5 kiloqram da arıqlayacam. Ondan sonra stop deyəcəm. Çox arıq olmaq mənə yaraşmır. Gözəllik üçün nələrəsə əl atmağı eyib bilmirəm. Lazım gələndə plastik əməliyyat belə etdirəcəm. Hər bir xanım özünü cazibədar hesab edib. Buna görə də daim baxımlı olmağa çalışır”.

 

Əhəd Miriyev

 

Muz-Tv.az