Yerli və əcnəbi müğənnilərdən yeniliklər
Emin Ağalarov mükafat aldı. Moskvada “Fashion people Awards-2012” mükafatının təqdimatı keçirilib.Emin Ağalarov mükafat aldı. Moskvada “Fashion people Awards-2012” mükafatının təqdimatı keçirilib.
Emin Ağalarov mükafat aldı. Moskvada “Fashion people Awards-2012” mükafatının təqdimatı keçirilib. Emin Ağalarovun verdiyi açıqlamaya əsasən, tanınmış azərbaycanlı müğənni ən dəbdəbəli kişi səsi - “Fashion Voice Male” nominasiyasının laureatı olub. Qeyd edək ki, “Fashion people Awards” mükafatının təqdimatı artıq 3 ildir keçirilir. Bu mükafat Rusiyanın ən istedadlı və uğur qazanmış insanlarına verilir. Xatırladaq ki, müğənni iyulun 12-də Bakıda konsert verəcək.
Məlumunuz olsun ki, Azərbaycanın populyar müğənnisi və xalq artisti Aygün Kazımova Türkiyə şou biznesinə qatılıb. Müğənni bu addımını yalnız qonşu ölkədə məşhur olmaq istəyi ilə əlaqələndirib və bunun heç bir reklam xarakteri daşımadığını söyləyib. Qeyd edək ki, Türkiyədə müğəninin güclü piarı gedir. Xanım Kazımovanın bildirdiyinə görə, onun reklamı Türkiyənin ən məşhur “Hürriyyət” qəzetindən başlayıb və indi də ölkənin digər populyar jurnallarında davam edir. “Mən qalmaqalla yox, sənətim və düzgün işlərimlə bu sənətdə qalıram” – deyə Aygün Kazımova məsələyə münasibət bildirib.
Tanınmış teleaparıcı və meloman, bəstəkar Murad Arif bir neçə gün bundan öncə oğul atası olub. Qeyd edək ki, ötən il teleaparıcı sentyabrın 27- də 30 yaşının tamam olduğu gün, Cəmilə Muxtarova ilə ailə həyatı qurub. O, beş il sevdiyi həyat yoldaşı ilə internet vasitəsi ilə tanış olub.
28 iyun – Rusiyanın populyar ifaçıları Nyuşa və Dan Balan Heydər Əliyev adına İdman konsert kompleksində Bakı məktəblərinin məzun gecəsinə dəvət alıb. Eyni zamanda konsert proqramında Azərbaycanı “Evrovision -2010” müsabiqəsində təmsil edən Safura, Mir Yusif, azərbaycanlı reper Uran da iştirak edəcək. Onu da qeyd edək ki, məzunların konsertdə iştirakı dəvətnamə ilə olacaq. Bizə isə səbirsizliklə bu konserti gözləmək qalır.
Xəyalə Əzizova
Muz-Tv.az