"HITMAKER mənəm”

Azərbaycanda hit mahnıların bəstəkarı və ifaçısı Murad Arif 23 May Heydər Əliyev Sarayında konsert proqramı ilə çıxış edəcək.

Murad Arifin mətbuat katibinin verdiyi məlumata görə, gecədə Murad Arif hit mahnıları, sevilən duetlərini ifa edərək yeni bir şouya imza atacaq. Yeni konserti haqqında detalları sirr saxlayan müğənni  "HITMAKER" mənəm. Bunu bir daha sübut edəcəm!"-deyə bildirib. 

Qeyd edək ki, Heydər Əliyev Sarayında Murad Arifin ilk konserti ötən ilin mayında baş tutub. Muradın "SOLO" adlandırdığı həmin konsert 2023-cü ilin ən gözəl konsertlərindən olaraq, anşlaq və böyük maraqla qarşılanıb. Həmin gecədə Muradın duetləri və hitləri bütün zalı coşquya salıb.