Teylor Svift 1 milyard qazandıracaq

Məşhur amerikalı müğənni Teylor Sviftin "Eras" turunun Böyük Britaniya iqtisadiyyatına 1 milyard funt sterlinq gəlir gətirəcəyi gözlənilir.

"Business Matters"in araşdırmasına görə, müğənninin pərəstişkarları iyunda onun şousunda iştirak etmək üçün, təxminən, 850 funt sterlinq xərcləyəcək.

1,1 milyon tamaşaçıdan beşdə biri konsert üçün xüsusi olaraq paltar ala bilər, lakin xərclərin böyük hissəsi biletlər, nəqliyyat və yaşayış xərclərinə aid olacaq.

Xatırladaq ki, Svift ötən il "Eras" konsert turundən 906 milyon dollar qazanıb.