Şou aləmində baş verən yeniliklər
Ulduzlar bahalı avtomobil sürməkdə bir-birləri ilə rəqabət aparır. Aygün Kazımova orijinal avtomobillərin həvəskarıdır.
Ulduzlar bahalı avtomobil sürməkdə bir-birləri ilə rəqabət aparır. Aygün Kazımova orijinal avtomobillərin həvəskarıdır. İfaçı tədbirlərə istənilən nəqliyyat vasitəsi ilə, hətta katerlə də gələ bilər. Sevda Yəhyayeva Azərbaycan şou biznesinin yeganə nümayəndəsidir ki, qeyri- adi, məxsusi olaraq onun üçün hazırlanmış avtomobil idarə edir. Azəri qızı Günel isə tez –tez avtomobillərini dəyişir, lakin rəngi dəyişməyi sevmir. Həmişə ağ rəngli avtobomil idarə edir. Ən fərqli eksklüziv maşınları isə əməkdar artist Ədalət Şükürov istifadə edir. Ulduzlar arasında motosiklet həvəskarları da var. Onlar içərisində Safura Əlizadəni misal göstərmək olar.
İkinci övladını dünyaya gətirməyə hazırlaşan Xuraman Şuşalı həm ailədə ,həm də sənətdə uğurla addımlayır və gözə gələcəyindən qorxmur. İfaçı yalnız Allaha bağlı olduğunu və ona sığındığını bildirib. “Paxıllıq hissi çəkənlər var, amma unutmasınlar ki, bu yolla irəli getmək olmur” -deyən sənətçi xoşbəxtliyinin dastan olmasını istəmir. Gözmuncuqlarının təsirinə zərrə qədər inanmadığını deyən Xuraman bunu bəzi insanların biznesi adlandırır. Onun fikrincə, adi muncuq nəzəri qıra bilməz. Qeyd edək ki, indi bu hərəkəti şeytan əməli adlandıran müğənni daha əvvəl kart falına maraq göstərirmiş.
Madona sonuncu dünya turunda hər konsertdən sonra geyinmə otağını başdan-ayağa təmizlətdirdiyini söyləyib. Buna səbəb isə müğənninin DNT nümünələri alınmasını istəməməsi olub. Çünki ifaçı DNT-sinin oğuralanacağından ehtiyat edir. İngilis “Mirror” qəzeti məşhur müğəninin “sterilizasiya” qrupu qurduğunu və bu qrupun ifaçının saçı, dərisi və digər bu kimi vasitələrdən qaynaqlanan qalıqları təmizlədiyini yazıb. Məşhur popçu geyinmə otağına təmizlik işçiləri xaricində heç kimi buraxmadığını və səhnə arxasına yalnız müəyyən şəxslərin girməsinə icazə verdiyini dilə gətirib.
Dəniz Səki Bodrumda çəkilən şəkillərinin fotoşopla şişirildiyini iddia edib. Fotoların bəzi nəşr orqanlarında yayımlanması müğənninin qəzəbinə səbəb olub. Sənətçi: “O, fotoşəkillər mənim deyil, sizin eybinizdir. Məni bu şəkildə şişirdib çirkin bir qadın kimi göstərə bilməzsiniz, o fotoşəkili yaya bilməzsiniz.” –deyə məsələyə münasibət bildirib. Dəniz Səki həmçinin, belə davam edərsə jurnalistlərin müsahibə ala biləcəyi sənətçi qalmayacağını da qeyd edib.
Beyons Nouls əri Cey Ziyə təyyarə hədiyyə edib. Beyonsun 50 milyon dollara aldığı “The Bombardier Challanger 850” hədiyyəsi 15 sərnişın üçün nəzərdə tutulub. Təyyarədə qonaq otağı, yataq otağı, 2 vanna otağı və mətbəx var. “Bu hədiyyəni özümlə yanaşı, qızım Blyu Ayvinin adından da alıb sevgilimə bağışladım” – deyə Beyons Nouls bildirib.
30 iyun –Sevgililər günü münasibətilə tanınmış müğənni və aparıcı Sevinc Ağaşirinova əslən dağıstanlı, Rusiyada çəx məşhur olan Eldar Dalqatovla birgə konsert verəcək. Müğənninin verdiyi açıqlamaya əsasən, Nabranda reallaşacaq konsert “Arı” prodakşnın təşkilatçılığı ilə keçiriləcək. Konsertdə hər iki ifaçının dueti gözlənilir. Nabran sakinlərinin qarşısına çıxan müğənnilər bütün mahnıları canlı olaraq ifa edəcək.
Xəyalə Əzizova
Muz-Tv.az