Suada Hacızadə baldızları ilə - FOTO

Hollivud ulduzu Jan Klod Van Dammın gəlini, azərbaycanlı pianoçu Suada Hacızadə baldızları ilə bir araya gəlib.

Suada baldızı Bianka Van Dammla Beverli-Hillzdə alış-verişə gedib.

Musiqiçi xanım baldızı ilə çəkdiyi fotoları sosial şəbəkə hesabında izləyiciləri ilə bölüşüb.

“Beverli-Hillzdə baldızlarla. Son foto buradakı mühitə reaksiyamı göstərir”, - S.Hacızadə yazıb.  

Xatırladaq ki, Jan Klod Van Damm Azərbaycan Respublikası Xüsusi Dövlət Mühafizə Xidmətinin sabiq əməkdaşı, polkovnik Elxan Hacızadə ilə quda olub. Kristofer-Suada cütlüyü 2021-ci ilin iyununda Azərbaycanın İstanbuldakı Baş Konsulluğunda doğmalarının iştirakı ilə baş tutan nikah mərasimində ailə həyatı qurub.