Onlar Bodrumda barışdılar - FOTO

Bir neçə ildir küsülü olan türkiyəli müğənnilər İbrahim Tatlısəs və Yıldız Tilbe bir araya gəlib.

Onlar Bodrumda görüşüblər. Tilbe həmin lentə alınan həmin anın görüntüsünü sosial media hesabında paylaşıb. 

Xatırladaq ki, ikili arasında gərginlik 2009-cu ildə "İbo Show"da yaranıb. Tilbe oxuyarkən Tatlısəs tez-tez mahnını yarıda kəsib. O, son olaraq "Kandıramazsın beni" mahnısını ifa edərkən Tatlısəs "1, 2, 3, 4 tamam", bununla 4 qadın bəsdir, daha istəmirəm demək istəyirsən?" deyə, sual edib. Tilbə buna əsəbiləşərək "Sənin hərəmin var, sən daha yaxşı bilərsən" deyə, həmkarına qarşılıq verib. Daha sonra tərəflər verilişdə söz davasına çıxıb.

Onu da bildirək ki, Tatlısəs bir neçə gün əvvəl ürəyindən əməliyyat olunub.