Kərim keyfiyyətli dost axtarır

"Özümü yığıb saxlamışam ki, danışmayım. Danışanda da kiminsə qəlbinə dəyə bilərsən. Bunu etmək istəmirəm. Ədalət axtara-axtara ədalətsiz hala düşmüşəm. Artıq bezmişəm".

Bu sözləri müğənni Kərim Abbasov televerilişin birində deyib.

Dostlarından danışan ifaçı kövrək anlar yaşayıb: "Allaha dua etdim ki, nə olar, mənə keyfiyyətli dost yetir. Həmişə dostlardan əziyyət çəkdim. Dostlar bizi sıxdı.Lazımından artıq hörmət edib, onları başımıza mindiririk. Mənim sənə olan sevgimdən sənə hörmət edirəm, nazınla oyunuyuram. Qarşına suyu töküb gətirirəm ki, qurban olum bunu iç. Ona görə yox ki, mənim səndən asılacağım var. Sevgimdən bunu edirəm, amma başa düşmürsən. Buna görə yanıram. İndi yanımda üç dostum var. Bu sahəyə aid olmayan şəxslərdir. Onları itirməmək üçün hər şeyi edərəm".