"Hədəf" 12 il sonra trend olub

Müğənni Lətifə Soyuözün "Hədəf" mahnısı 12 il sonra trend olub.

Mahnı bir anda TikTok-da məşhurlaşıb. Bəstəyə yüzlərlə video çəkilib. 

Televerilişin birinə qonaq olan Lətifə bununla bağlı suala belə cavab verib: "O zaman "Hədəf"i oxuyanda çox sevildi. Amma ağır janr idi. İndi eşidirəm ki, TikTok-da trenddir. Baxıram ki, hər yerdə səslənir. 13 il əvvəl oxumuşam. Bu, məni sevindirir. Yaxşı musiqi qalır. Mahnını atam rəhmətə gedəndən sonra yazdırdım, bütün hisslərimi bura qoydum. Hisslərimi, həyatımızda baş verən məqamları açıq anlatdım".

Xatırladaq ki, sözləri və musiqisi Günel Sərdarqızına aid olan mahnını rejissor Anar Hüseynov ekranlaşdırıb. Klip 2013-cü ildə təqdim edilib.