Müğənni dedi-qodulara son qoydu

Rusiyalı müğənni Alsu 18 il birlikdə olduğu keçmiş həyat yoldaşı, Bakıda doğulan yəhudi əsilli iş adamı Yan Abramovdan boşandıqdan sonra haqqında çıxan dedi-qodulara reaksiya verib.

"Страсти" dərgisinə müsahibə verən sənətçi həyatında heç kimin olmadığını deyib. O bildirib ki, hazırda yalnız yaradıcılığı ilə məşğuldur.

"Hər gün çəkilişlərim olur. Onlar mənə güc və şən ruh verir. Amma həyatımda kişi yoxdur. Buna vaxtım yoxdur",- ifaçı bildirib.

Alsu yenidən ana olmaq istəyi haqqında suala "Allah istəsə olar. Bunun proqnozunu mən verə bilmərəm" cavabını verib.

Xatırladaq ki, müğənni və iş adamı 2024-cü ilin avqustunda boşanıb. Onların üç övladı var: Safina, Mikella və Rafael. Uşaqlar anaları ilə yaşayır.