Nadir xanım həmkarına etiraz edib

Müğənni Nadir Qafarzadə həmkarı Xatirə İslamın "Xalq nə istəyirsə, biz də onu veririk" sözlərinə etiraz edib.

N.Qafarzadə bu barədə televerilişin birində danışıb.

O bildirib ki, Xatirənin bu fikri yanlışdır: "Biz musiqiçilər xalqın zövgünü formalaşdıranlarıq. Çünki onlar televizor qarşısında əyləşib bizə baxırlar. Biz nə təqdim etsək, onlar onu qəbul edirlər. Bu yaxınlarda həmkarlarımdan biri (Xatirə İslam – red.) efirdə dedi ki, xalq nə istəyirsə biz də onu veririk. Məndə ona cavab verirəm ki, sən çox nahaq yerə xalqın istəyini onlara verirsən. Sən xalqa yaxşı şeylər ver də… Deyir ki, əgər xalq qeyri-peşəkar mahnıları dinləmək istəyirsə, biz onlara onu da verməliyik. Amma mən belə hesab etmirəm. Xalqın zövqünü körlayan da bizik, formalaşdıran da… Bir dəfə Xalq artisti Akif İslamzadə mənə “Çalışın xalqı arxanızca aparın. Xalqın arxasınca getməyin. Çünki siz efirdə nə danışsanız və ifa etsəniz, xalq onu da sizdən götürəcək. Çünki siz xalqın evinə çağırılmamış qonaqsınız. Xoşuna gəlməyəndə o kanalı çevirəcək. Amma sən yaxşı nə bilirsənsə, söylə və onu təbliğ et” dedi".