Fəxri addan məhrum edilib

Ukraynanın Xalq artisti Ani Lorak Rusiya vətəndaşlığı alıb.

Bu barədə Rusiya mediası məlumat yayıb.

Bildirilib ki, rəsmi sənəd ötən ay iyunun 9-da müğənniyə təqdim olunub. Sənəddə Karolina (əsl adı) adı yazılıb.

Lorakın adı "Mirotvorets" (red. - "Ukraynanın düşməni" hesab edilən şəxslərin siyahısının dərc olunduğu sayt) məlumat bazasına daxil edilib. O, Ukraynanın sanksiyalarına məruz qalıb. Bu barədə Ukrayna Prezidenti Volodimir Zelenski fərman imzalayıb.

Sanksiyalar arasında aktivlərin bloklanması, ticarət əməliyyatlarına qadağa və Ukrayna ərazisindən kapitalın çıxarılması daxildir. Bundan əlavə, Lorak dövlət mükafatlarından və ölkənin "Xalq artisti" fəxri adından məhrum edilib.

Xatırladaq ki, ifaçının adı Ukraynanın Milli Təhlükəsizlik və Müdafiə Şurasının sanksiyalarına daxil edilən məşhurlar siyahısında yer alıb. Sanksiyalar çərçivəsində onun ölkədəki aktivləri və əmlakları müsadirə edilib. 

O, bu ilin martında İsaak Vijraku gizli şəkildə ailə qurub. Ani Lorak Ukraynanı tərk edib və son illər Rusiyada yaşayır.