Selenaya qarşı incik deyil

Müğənni-aktrisa Selena Qomezə 2017-ci ildə qurdeşənəyi (lupus) xəstəliyinə görə rəfiqəsi Fransia Raisa ona öz böyrəyini vermişdi.

Lakin qısa müddət sonra onların münasibətləri pozulmuş və Selena açıqlamasında ən yaxın dostunun müğənni Teylor Svift olduğunu bildirmişdi.

S.Qomez musiqi prodüseri Benni Blanko ilə evlənsə də, Fransianı toyuna dəvət etməyib. Buna baxmayaraq, Raisa Selenaya qarşı heç bir incikliyi olmadığını bildirib: "Mən onun evləndiyini bilirəm və buna görə sevinirəm. O, sağdır, milyarder olub. Onun üçün faydalı olduğum üçün şadam. Əgər kilsəyə bir dollar ianə edirsinizsə, sonra gedib "O dollarımı nəyə xərclədiniz?" deyə soruşmursunuz. Mən sağam və kiminsə həyatını xilas etdiyim üçün minnətdaram”.