"Elektron siqaret məni məhv etdi..."

Məşhur türkiyəli müğənni Ajda Pekkanın bacısı Semiramis Pekkan xərçəngdən əziyyət çəkdiyini açıqlayıb.

Pekkan yutub kanallarından birinə açıqlama verib və deyib ki, sentyabrdan bəri onkoloji xəstəlikdən əziyyət çəkir.

O bildirib ki, müalicə dövrü heç də asan deyil: "Həkimi pis vərdişlərinə görə onkoloji xəstəliyin yarandığını dedi. Bunu etiraf edirəm. Məni məhv edən elektron siqaret oldu. Ona heç vaxt toxunmayın. Xahiş edirəm, tütünlə əlaqəli heç bir şeyə toxunmayın. Elektron siqaretlər göründüyü qədər zərərsiz deyil, bəlkə də daha zərərlidir. Keçmiş vərdişlərimin bədəlini bu gün ödəyirəm. Onların daha az zərərli olduğunu iddia edərək elektron siqaret adlandırdıqları məhsul məni məhv etdi. O vaxtlar bu, normal görünürdü, zərərini bilmirdik. Amma indi bunu çox aydın görürəm. Gənc dostlarım, heç vaxt tütün istifadə etməyin".