Hollivud ulduzu Amerikadan köçür?

Hollivud ulduzu Ancelina Coli ABŞ-ı tərk etmək planlarından danışıb.

“Oskar” mükafatlı aktrisa bütün övladları yetkinlik yaşına çatdıqdan sonra ABŞ-dan köçmək və daha çox səyahət etmək istədiyini açıqlayıb.

Coli övladlarının müstəqil həyata başlamasını dəstəklədiyini bildirib: “Bir valideyn kimi, ən vacib şey onların qarşısında dayanmamaqdır. Onlar böyük potensiala sahib ayrı-ayrı insanlardır və mən onlarla fəxr edirəm. İndi onlar istəyirlər ki, mən Kambocada sahə işləri aparım, dünyanı gəzib dolaşım və, məsələn, Tunisdən onlara zəng edim”.

Aktrisa həmçinin təyyarə idarə etməyə və motosiklet sürməyə qayıtmaq istədiyini söyləyib.

Xatırladaq ki, Ancelina Colinin altı övladı var. Aktrisanın keçmiş həyat yoldaşı Bred Pittlə münasibətləri isə uzun müddətdir gərgin olaraq qalır.