Gənc müğənni “Məni arama” dedi

Gənc müğənni Xəyal Rzazadə sözləri və musiqisi İsmayıl Əsədova aid olan “Məni arama” adlı mahnısına klip çəkdirməsinə baxmayaraq...

     Gənc müğənni Xəyal Rzazadə sözləri və musiqisi İsmayıl Əsədova aid olan “Məni arama” adlı mahnısına klip çəkdirməsinə baxmayaraq, hələ tamaşaçılarına təqdim etmək niyyətində deyil. Sevənlərinin qarşısına tam fərqli bir kliplə çıxmağa hazırlaşan müğənni süjet xətti haqqında bəzi informasiyalar verib. İki gəncin sevgisindən bəhs edən bu klipdə cütlük arasında diqqətsizlik üzündən soyuqluq yaranır, bütün hadisələr də elə bundan sonra başlayır.
     Bəzilərindən fərqli olaraq özünü bəstəkar adlandırmağı düzgün hesab etməyən Xəyal Rzazadə ürəyindən keçənləri yazdığını etiraf edib. Keyfiyyətli işlərlə yadda qalmağa çalışan müğənni boş-boş efirə çıxmağı düzgün hesab etmir. İfaçı fərqli janra müraciət etməklə ortaya qeyri-adi iş qoymağa cəhd göstərir. Hər şeyin yaxşı olacağına inanan ifaçı sentyabrda tamaşaçılarına ikinci klipini də təqdim edəcək.

Ülviyyə Xəlilbəyli
Rüfət Qarayev

Muz –Tv.az