Digər qruplardan rəqslərimizlə fərqlənirik

İki illik fəaliyyəti dövründə müəyyən qədər uğur əldə edən Kübarə Bayramovanın rəhbərlik etdiyi “Avantaj” qrupu sözləri Süleyman Rüstəmliyə...  

    İki illik fəaliyyəti dövründə müəyyən qədər uğur əldə edən Kübarə Bayramovanın rəhbərlik etdiyi “Avantaj” qrupu sözləri Süleyman Rüstəmliyə, musiqisi Əli Cəfərliyə aid olan “Azərbaycana gəlsin” mahnısına bu ay klip çəkəcək. Qrupun sözügedən mahnısını rejissor Aqil Çovdarov ekranlaşdıracaq. Rəngarəng süjet xətti olan klipin çəkilişləri bir neçə rayonda aparılacaq. Qrup 3lük şəkilndə olsa da, həmin klipdə 4 nəfərlə çıxış edəcək. Çünki, vətənpərvərlik mövzusunda olan mahnıları Kübarə xanımın oğlu Nihat da qrup üzvləri ilə birgə ifa edir.
    “Avantaj” qrupu yeni mahnılar üzərində də işləyir. “Musiqisi və sözləri Arzu Abbasovaya məxsus olan iki mahnı da var. Bunlar “Axtarma məni” və “Xuliqanka”dır - deyə qrupun solisti Ağasi bildirib.
     Bir kliplə kifayətlənməyən qrup növbəti ekran işini Aqilə deyil, Arzu Abbasovaya həvalə edəcək. Şıltaq mahnı olan “Xuliqanka”da fərqli süjet xətti olacaq. Özlərinə rəqib görməyən gənc qrup oxumaqla yanaşı rəqsləri ilə də digər qruplardan fərqlənməyə çalışacaq.

Səbinə Zöhrabqızı
Ramal Gülməmmədov

Muz-Tv.az