Azərbaycan “Paris səması”nda

Fransanın paytaxtında “Paris səması” adlı beynəlxalq festival-müsabiqə keçirilib.  

      Fransanın paytaxtında “Paris səması” adlı beynəlxalq festival-müsabiqə keçirilib. İyulun 1-dən 5-nə kimi davam edən 300-dən artıq iştirakçının qatıldığı müsabiqədə ölkəmizi Azərbaycan Dövlət Uşaq Filarmoniyasının solisti İslam Qasımov təmsil edib və birincilik qazanıb. Bu barədə fikirlərini bölüşən İslamın müəlliməsi Məryəm Babayeva gənc vokalçının qalibiyyət gətirən ifasından qürur duyduğunu deyib. Müsabiqədə Azərbaycanla yanaşı digər ölkələrdən də iştirakçılar qatılıb. Beynəlxalq yarışmada ilk dəfə iştirak edən və nailiyyət əldə edən İslam hələ müsabiqədən öncə birinciliyə iddialı olub.
     Qeyd edək ki, İslam Qasımov daha əvvəl Azərbaycanda reallaşan bir neçə festivala da qatılıb.

Səbinə Zöhrabqızı
Rüfət Qarayev
Muz-Tv.az