Ulduzların şəxsi həyatında baş verənlər
Dünya şöhrətli müğənni Rihannanın Bakı konsertini təşkil edən “Universal Music Group” şirkətinin Azərbaycan nümayəndəliyi “Omnikomo Music Group”...
Dünya şöhrətli müğənni Rihannanın Bakı konsertini təşkil edən “Universal Music Group” şirkətinin Azərbaycan nümayəndəliyi “Omnikomo Music Group” azərbaycanlı pərəstişkarlar arasında müsabiqə elan edir. Rihanna pərəstişkarı olan hər bir kəs qeyd olunan müsabiqədə iştirak edib,sənətçinin Crystal-hall-da keçiriləcək möhtəşəm şousuna bilet qazana bilər. Bunun üçün fanatlar Rihannaya öz video müraciətini çəkməli və ona sevgilərini etiraf etməlidir. Pərəstişkarlar “Rihanna, I love you” adlı video-müraciəti fan@omnikomo.com elektron ünvanına göndərə bilər. Müsabiqədə şərtlər isə belədir: Video müraciət sizin haqqınızda və sizin ulduzunuz olan Rihanna ilə bağlı olmalıdır. Siz bu video müraciətdə nəyə görə Rihanna-nı və onun yaradıcılığını bəyəndiyinizi, nə vaxtdan onun pərəstişkarı olduğunuzu da bildirməlisiniz. Qeyd edək ki, müsabiqə sentyabrın 1-nə qədər davam edəcək. Qaliblər isə həmin ayın 15-nə kimi elan ediləcək.
“Mənim ailə quracağım insan mütləq varlı olmalıdır”. Bu sözləri müğənni Səidə Sultan öz şəxsi həyatı barədə açıqlama verərkən deyib. Normal pul qazandığını söyləyən müğənni ailə quracağı insanın işi, evi və maşını olmasını vacib hesab edib. Çünki Səidə həyat yoldaşının ondan az qazanmasına razı olmayacağını vurğulayıb.
Türkiyənin sevilən müğənnisi Sibel Can öz şəxsi həyatı barədə açıqlama verib: “Mən bir daha ailə qurmaram. Ona görə ki, yaşım buna maneə olur. Sadəcə övladlarımla və sənətimlə öz həyatımı istədiyim kimi yaşayıram” - deyə o, əlavə edib.
Populyar müğənni Röya Ayxan son vaxtlar susmasının səbəbini açıqlayıb: “Çox böyük layihələrə imza atmağa hazırlaşıram. Təbii ki, bu layihə fərqli olacaq. Fərq isə mahnının səslənməsi və klipin çəkiliş prosesi ilə bağlıdır”. Klipdə olan səs və görüntüləri Bakıda hələ heç kimin görmədiyini iddia edən müğənni bu işi ilə hər kəsi təəccübləndirəcəyinə şübhə etmir.
Qızı Zəhra və bacısı Helinlə “Yunan adaları” gəzintisinə çıxan türk sənətçisi Hülya Avşar 10 günlük istirahətdən sonra Bodruma qayıdıb. Bu dəfə də müğənni açıq-saçıq geyimlərilə kameralara yaxalanıb. Bu zaman onun artıq çəkisinin Gülben Ergen və Deniz Seki qədər olmadığı görünüb.
Şou biznes nümayəndələri səhnənin ən gözəl müğənnisi sualına belə cavab verib. Natavan Həbibi: “Mənim üçün ən gözəl müğənni İlhamə Quliyevadır”. Sevda Yəhyayeva: “Məncə hamıdan qəşəng Aysel Teymurzadədir. Safura Əlizadə: “Mən özümü gözəl hesab edirəm. Çünki mənim gözlərim qəşəngdir”. Zülfiyyə Xanbabayeva: “Mənim üçün ideal qadın Monika Beluççidir” söyləyib.
“Biz valideynlik borcumuzun birgə yerinə yetirilməsini davam etdirəcəyik”- deyən aktyor Tom Kruz və aktrisa Keti Holms boşanma haqqında işi tənzimləyib və bu barədə razılaşma imzalayıb. Verilən məlumata görə, boşanmaya səbəb cütlüyün qızı Surinin təhsili olub.Tom Kruz övladını mənsub olduğu sayentologiya kilsəsinin məktəbinə göndərmək istəsə də, bu təşəbbüsü Keti Holms qəti etirazla qarşılayıb. Vəkillər isə bu məlumatı nə təkzib, nə də təsdiq edir.
Xəyalə Əzizova
Muz-Tv.az .