Sevda Yəhyayeva “3-ü birində” albom hazırlayır

Qısa zamanda populyar olan müğənni Sevda Yəhyayeva “3-ü birində” albom hazırlayır. 

    Qısa zamanda populyar olan müğənni Sevda Yəhyayeva “3-ü birində” albom hazırlayır. Albomunun 3 hissədən ibarət olduğunu deyən ifaçı onu tamaşaçılara sentyabrda təqdim edəcək. 8 yeni mahnısının olmasına baxmayaraq, o, bu vaxta qədərki bütün ifalarını alboma daxil etməyi planlaşdırır. Musiqisi və sözləri “Qala” qrupunun solisti Ceyhun Əliyevə məxsus “Sevənlərin ulduzları” adlı yeni mahnı yazdıran müğənni kliplərini xarici rejissorlara həvalə etməyi düşünür.
    Öz işini çox sevən və öhdəsindən məharətlə gələn Sevda onun ifasını bəyənməyənlərin cavabını da verib: “Bar verən ağacı daşlayarlar. Mən oxuya bilməsəydim mahnılarım dillər əzbərinə çevrilməzdi. Gedib işləri ilə məşğul olsunlar” – deyə o, əlavə edib. Hər zaman bahalı kliplər çəkdirdiyini iddia edən ifaçı yalnız sənəti ilə gündəmdə qalmağı arzuladığını da vurğulayıb.

Ülviyyə Xəlilbəyli
Ramal Gülməmmədov.

Muz-Tv.az