Yerli və əcnəbi müğənnilərdən yeniliklər

Əməkdar artist, pedaqoq Teymur Əmrah ailə qurmağa hazırlaşır. Sənətçi bildirib ki, yad tanımadığı şəxslə evlənməyəcək.  

     Əməkdar artist, pedaqoq Teymur Əmrah ailə qurmağa hazırlaşır. Sənətçi bildirib ki, yad tanımadığı şəxslə evlənməyəcək. “Mən çətin həyat sürmüşəm. Əzab-əziyyətlə Bakıya gəlmişəm. Qohumlar arasında axtarış edəcəyəm” –deyə müğənni ailə quracağı insan haqqında danışıb. Zəmanədən şikayətlənən sənətçi onun üçün əsas keyfiyyətin insanlıq olduğunu qeyd edib.
     Məşhur Hollivud aktyoru Maykl Klark Dunkan təcili olaraq xəstəxanaya yerləşdirilib. Buna səbəb aktyorun ürəyinin qəfildən dayanması olub. Hazırda 54 yaşlı Maykl Dunkanın vəziyyəti normaldır. Qeyd edək ki, o, “Yaşıl filmi”ilə məşhurlaşıb.
     Populyar ifaçı Röyanın bacısı Vüsalə Nəcəfova Bakı-Astara yolunda Salyan rayonunun ərazisində avtomobil qəzasına uğrayıb. Nəticədə Vüsalə Nəcəfova və 6 yaşlı oğlu Fəxri Niyazov ağır zədə alıb. Yaralılar Mərkəzi Klinik xəstəxanaya yerləşdirilib. Uşağın vəziyyəti normaldır.
     Türkiyənin məşhur müğənnisi Hadisə yaxın günlərdə nikah masasına oturacaq. İki aydır futbol meneceri Əkrəm Okumuşla eşq yaşayan müğənni sevgilisi ilə “O səs Türkiyə”adlı yarışmanın çəkilişlərində tanış olub. Bundan sonra cütlüyün münasibəti ciddiləşib.
     Hazırda başı klip çəkilişlərinə qarışan Aygün Kazımovanın Gəncədə, Qubada, Lənkəranda konsert keçirəcəyi gözlənilir. Bu barədə xalq artistinin prodüsseri Tarix Əliyev məlumat verib. Aygünlə yanaşı Safura Əlizadəyə də dəstək olan Tarix müğənninin İsveçdə çəkdiyi klipinin tezliklə təqdim ediləcəyini vurğulayıb.
     Türkiyənin tanınmış aktyoru Burak Haqqının dünyanın məşhur ulduzları Penolope Kruz və İzabel Adjani ilə eyni filmə çəkiləcəyi barədə xəbər yayılıb. Burak Haqqı məsələyə aydınlıq gətirməyə çalışıb: “Artıq rejissorla görüşümüz olub. Əvvəlcədən bir şey söyləmək, düzgün olmaz. Qaldı ki, Penolope Kruz və İzabel Adjani ilə eyni filmə çəkilməyimizə, bu mənim yox, rejissorun qərarıdır”.
     Tanınmış model Günay Musayeva xoşbəxt olduğunu və heç kimin onu həyat yoldaşından ayıra bilməyəcəyini vurğulayıb. O, həyat yoldaşı Tolqa Kareli qısqanmadığını, həm özünə, həm də ona güvəndiyini söyləyib. Günayın fikirlərini təsdiqləyən Tolqa Karel də: “Biz birikdəyik və həmişə belə olacaq. Fikirləşirəm ki, Günay məni qısqanmamalıdır, çünki uşağımız var” - deyə əlavə edib.
     Türk sənətçisi Demet Akalın Okan Kurtla evləndikdən sonra geyimində dəyişiklik edib. Sənətçi bildirib ki, həyat yoldaşı necə istəsə, elə də geyinəcək. Demet modelyer Tolqa Çama ilə yeni bir geyim də hazırlayıb. Onu da qeyd edək ki, modelyer geyimlərdə ətəklərinin uzunluğunu ilə Demet Akalını hər kəsdən fərqləndirməyə çalışacaq.

Xəyalə Əzizova

Muz-Tv.az