Məşhurlardan ən son yeniliklər

Tanınmış müğənni və bəstəkar Emin Ağalarov Dənizkənarı istirahət mərkəzlərinin birində iyulun 15-i saat 20:00-da konsert proqramı ilə çıxış edəcək.  

     Tanınmış müğənni və bəstəkar Emin Ağalarov Dənizkənarı istirahət mərkəzlərinin birində iyulun 15-i saat 20:00-da konsert proqramı ilə çıxış edəcək. Artıq satışda olan biletlərin qiyməti 20-100 AZN-dir. Müğənni konsertdə özünün hit mahnılarını səsləndirəcək. Eminlə səhnəyə Azərbaycanı “Avroviziya- 2010” –da təmsil edən Safura Əlizadə, “Avroviziya -2011”qalibləri Eldar və Nigar, bu ilki təmsilçimiz Səbinə Babayeva da çıxacaq.
     Nura Suri turizm mərkəzi olan Bodrumda konsert verəcək. Hazırda sənətçi oğlu Davidlə birgə İstanbulda istirahət edir və müğənni hələ ki, Bakıya gəlməyə tələsmir.
     Hər zaman geyimləri ilə diqqət mərkəzində olan şou-biznes ulduzlarından bəziləri, sən demə, bunun üçün milyonlar xərcləyir. Hətta aralarında geyim kolleksiyası olanlar da az deyil. Türkiyədə yaşayan Azəri qızı Günel gəzdiyi ölkələrdə qarderobunu təzələyənlərdəndir. Müğənni Fransada olarkən bir geyim və aksessuar üçün 5000 avrodan çox pul xərcləyib. Sənətçi 2 cüt ayaqqabı üçün isə 10 min avro ödəyib. Ayaqqabıya çox pul xərcləyən sənətçilərdən biri də Leyla Ramazanlıdır. İfaçı svarovski daşlarla bəzədilmiş çəkməsinə 4500 dollar xərcləyib. Müğənni Nazənin bir libasa orta qiymətlə 1000 manat ödəyir. Ən ucuz ayaqqabısının qiyməti isə 250 AZN-dir. Aygün Kazımova, Brilliant Dadaşova, Nura Suri və digərlərini də estradamızın zövqlü müğənniləri sırasında qeyd edə bilərik.
     İngilis müğənnisi Adel Adkins 7 aydır ki, sevdiyi Sayman Konekidən hamilədir. Sənətçinin “Bilboard Awards” mükafatının təqdimetmə mərasimindən sonra görünməməsinin səbəbi də elə bu olub .Adel paparazzilərdən gizlənməyə çalışsa da, buna nail ola bilməyib.
     Məşhur Hollivud ulduzları Ancelina Coli və Brad Pitt toyları üçün artıq məkan da seçiblər. Cütlük mərasimi Fransanın Proavans əyalətində yerləşən 16-cı əsrdə tikilmiş Miravel qəsrində etməyi planlaşdırır. Onlar uşaqları ilə həmin məkanı ziyarət edib və dəvət olunacaq qonaqların siyahısını dəqiqləşdirib. Toyda 300 nəfərin iştirakı gözlənilir.
Məclisə Ancelina Colinin uzun müddət küsülü olduğu atası da qatılacaq.
     Türkiyənin Zonquldak əyalətində təşkil olunan” Beynəlxalq Sevgi, Sülh, Dostluq və Sənət” festivalında çıxış edən Bülent Ərsoy yağan yağışa görə səhnədən ayaqyalın düşüb və yıxılmaq təhlükəsi ilə üzləşib. Buna səbəb isə divanın ayaqqabısının paltarına ilişməsi olub. Qeyd edək ki, gecənin sonlarına doğru yağan yağışa baxmayaraq, sənətçi konsertini dayandırmayıb. “Göydən rəhmət yağır, ancaq mən getmirəm” - deyən Bülent Ersoyu sevənləri də yalnız qoymayıb.

Xəyalə Əzizova

Muz-Tv.az