“Ülvi Qılınc bir az da çalışmalıdır ki, görsün dənizin dərinliyində nə var”

Opera sənətini özünəməxsus şəkildə tamaşaçılara sevdirən, Cəfərov soyadını Qadirlə əvəzləyən xalq artisti ...  

    Opera sənətini özünəməxsus şəkildə tamaşaçılara sevdirən, Cəfərov soyadını Qadirlə əvəzləyən xalq artisti Samir yayı dincəlməyib ilin sonuna kimi 8 klip çəkdirəcək. “İzi qaldı” klipini yenicə tamaşaçılarına təqdim edən müğənni artıq ikinci mahnısını ekranlaşdırmaq niyyətindəndir.
    Tez-tez xarici ölkələrə səfər edən xalq artisti əcnəbiləri öz canlı ifası ətrafına toplamağı bacardığını deyib: “Mən daim Azərbaycanı xarici ölkələrdə təbliğ etmişəm. Əcnəbiləri cəlb etmək üçün gərək onlardan yaxşı oxuyasan. İndi hamı fonoqrama keçməklə camaatı aldadır”.
    Daim yenilik axtarışında olan müğənni özünü bu sənətdə qocaman gördüyünü deyib. Opera sənətində özündən başqa heç kimi güclü hesab etməyən Ülvi Qılınca cavab verən Samir: “Ülvi Qılınc bir azda çalışmalıdır ki, görsün dənizin dərinliyində nə var”- deyə bildirib.
    Opera janrını müasir formaya salıb öz klipləri ilə tamaşaçıya sevdirmək niyyətində olan Samir Qadir sənətinə qazanc kimi baxanların əleyhinə olduğunu da istisna etməyib.

Aytən Zöhrabqızı
Vüsal Babayev

Muz-Tv.az