Məşhurların açıqlamaları

Yalnız burnuma müdaxilə etdiyim üçün adımın plastik əməliyyat həvəskarları siyahısına düşməsini haqsızlıq hesab edirəm.  

     Yalnız burnuma müdaxilə etdiyim üçün adımın plastik əməliyyat həvəskarları siyahısına düşməsini haqsızlıq hesab edirəm. Bu sözləri deyən müğənni Könül Kərimova Maykl Ceksondan sonra bu mövzunun dəbdə olduğunu bildirib: “Bizdən sonra onlarla sənətçi burnunda, üzlərinin digər nahiyələrində, bədənində dəfələrlə cərrahi müdaxilə edib Mən burun əməliyyatına girəndə bəlli oldu ki, uzun çəpər əyriliyim olub və bunun əziyyətini çəkmişəm” - deyə o, əməliyyat keçirməsinə haqq qazandırıb. Müğənni həmçinin vurğulayıb ki, özü ilə bağlı başqa komleksi yoxdur.
     “Adını Feriha Qoydum” serialının Ferihası Hazal Kaya “Son Yaz Balkanlar 1912” serialı ilə yenidən ekranlara qayıdır. Film sentyabrda tamaşaçılara təqdim olunacaq. Tarixi hadisələrdən bəhs edən film, “Balkan” döyüşündən “Çanaqqala” döyüşünə qədər olan müddəti canlandıracaq. Baş rollarında Hazal Kaya, Seçkin Özdemir, Furkan Palalı iştirak edəcəyi serailın çəkilişlərinə avqust ayında Makedoniyada başlanılacaq.
     Keçmiş həyat yoldaşı Ali Tarandan yeni boşanan Ayşe Özyılmazın futbolçu Tümer Mətinlə sevgi macərası yaşadığı iddia edilir. Cansu Mətindən ayrılan Tümer Mətinin Özyılmaz ilə yaşanan sevgisindən isə hələ ki, heç kimin xəbəri yoxdur.
     Qeyri –adi ifa tərzi ilə fərqlənən Xumar Qədimova yeni bir mahnı hazırlayıb. O, bu dəfə Türkiyənin mərhum sənətçisi Əhməd Kayanın repertuarından “Nərdən biləcəksiniz” adlı mahnını ifa edib. Qeyd edək ki, bu ifa artıq yerli radio dalğalarında səslənir.
     Röya ilə oxuduğu duetini təqdim edən müğənni Ramal İsrafilov mahnının necə ərsəyə gəlməsi barədə danışıb: “Röya ilə dueti əslində bir il öncə ifa etmişəm. Sözləri Ülviyyə Alovluya, musiqisi isə özümə aid olan “O gün” mahnısı hazır olsa da, Röya klip çəkdirəndən sonra tamaşaçılara təqdim etməyimizi istədi” - deyə müğənni əlavə edib.

Xəyalə Əzizova

Muz-Tv.az