Bu gün Maestro Niyazinin anım günüdür

Azərbaycan musiqi mədəniyyətinin inkişafında misilsiz xidmətləri olan görkəmli bəstəkar Maestro Niyazinin bu gün vəfatının 28 – ci il dönümüdür.  

    Azərbaycan musiqi mədəniyyətinin inkişafında misilsiz xidmətləri olan görkəmli bəstəkar Maestro Niyazinin bu gün vəfatının 28 – ci il dönümüdür. 1912-ci il avqustun 20-də Tiflisdə anadan olan Niyazi Tağızadə tanınmış bəstəkar Zülfüqar Hacıbəyovun oğludur. Məşhur Hacıbəyovlar nəslinin görkəmli davamçısının musiqi sənətini seçməyində istedadı ilə yanaşı əmisi Üzeyir bəyin də əvəzsiz xidmətləri olub.Niyazinin ilk böyük müvəffəqiyyəti 1938-ci ildə Moskvada keçirilən “Azərbaycan incəsənəti günləri”ndəki çıxışı ilə başlayıb. “Xosrov və Şirin” operası, “Zaqatala”, “Azərbaycan” süitaları, “Rast” simfonik muğamı və s. əsərlər Niyazinin qələminin məhsuludur. O, 1986-cı ildə R.Taqorun süjeti əsasında yazdığı “Çitra” baletinə görə “CəvahirləlNehru” mükafatına layiq görülüb.
    Qeyd edək ki, avqustun 20-də doğumunun 100 illiyi qeyd olunacaq dahi bəstəkar 1984-cü ildə avqustun 2-də Bakıda vəfat edib.

Aysər Həsənli

Muz-Tv.az