Baloğlan Əşrəfov sadə insanlar kimi yaşamaq istəyir

 Əməkdar artist Baloğlan Əşrəfov yeni mahnılar üzərində çalışır.

    Əməkdar artist Baloğlan Əşrəfov yeni mahnılar üzərində çalışır. Belə ki, sənətçi öz bəstələdiyi “Gəlməməliydin görməməliydin”, “Axtaracaqsan” və xalq mahnısı olan “Üç gündən bir beş gündən bir” musiqilərini bu yaxınlarda dinləyiclərinə təqdim edəcək.
    Tamaşaçı sarıdan bol olan sənətkar bildirib ki, bəxtigətirən müğənnilərdəndir, çünki bütün konsert salonları üzünə açıqdır. O, həmçinin vurğulayıb ki, payızda konsert verməyə hazırlaşır. Bir çox festivalın qalibi olan Baloğlan Əşrəfov hazırda dəb halını alan “sms müsabiqə”lərinə qarşı sərt mövqeyini açıqlayıb: “Dövlət tərəfindən keçirilən festivallar çox mükəmməldir, amma sms ile keçirilen müsabiqələrə yaxşı baxmıram”.
    Xalqın sevgisini qazanan müğənni peşəsindən zövq aldığını və eyni zamanda sadə insanlar kimi həyat sürmək istəyini də dilə gətirib. Əməkdar artist bundan sonra da öz üzərində çalışacağını və tamaşaçılarını yeni mahnıları ilə sevindirəcəyini vurğulayıb.

 

Azad Mirzəzadə
Ramal Gülməmmədov

 

Muz-Tv.az