Gənc bəstəkar: “Şou-biznes sənət deyil”

Bəstələrində özünü tapan Ruhin İsmayılov instrumental albom üzərində çalışır və burada o, vokal, etnik musiqilərə müraciət edəcək.  

     Bəstələrində özünü tapan Ruhin İsmayılov instrumental albom üzərində çalışır və burada o, vokal, etnik musiqilərə müraciət edəcək. Ən son yazdığı “Gizli” və “Elə-belə” mahnılarını Ramala verən bəstəkarın həmçinin Röya, Zamiq və Səbinə Babayeva kimi məşhurlarla da işbirliyi var.
     Azərbaycanı xarici ölkədə təmsil edən Ruhin müğənniləri və onların ifa etdiyi musiqiləri peşəkar səviyyədə görmək istədiyini bildirib. “Mən şou biznesi 99% sənət olaraq qəbul etmirəm”- deyən bəstəkar öz yaşıdları arasında ona rəqib olmadığını iddia edib.
     Öz əsərləriylə digərlərindən fərqlənməyə çalışan Ruhin İsmayılov sənətini təkmilləşdirmək və peşəkarlığını daha da inkişaf etdirmək üçün klassiklərdən -Üzeyir Hacıbəyov, Qara Qarayev və öz müəllimi olan Arif Məlikovdan bəhrələndiyini vurğulayıb.

Türkan Həsənqızı.
Rüfət Qarayev

Muz-Tv.az